အရဟံ ဇယံ ဂါထာတော်ကြီး

“ ဆေးစက်ကျရာ အရုပ်ထင်ဖို့ ”

“မန္တလေးတောင်အစ ခြင်္သေ့ကြီးနှစ်ကောင်က”
“မန္တလေးတောင်အဆုံး မြွေကြီးနှစ်ကောင် အပြုံး ”လို့ ဆိုတဲ့အတိုင်း

မန္တလေးတောင်ကို စတင်တက်တော့မယ်ဆိုရင် ခန့်ထယ်ကြီးမား ခြင်္သေ့ကြီးများကို စတင်တွေ့ရပါတယ်။

တက်လိုက် မောပန်းလို့ နားလိုက်နဲ့ တစ်နာရီခန့်လောက် တက်လိုက်ရတဲ့ အခါမှာတော့
မြွေကြီးနှစ်ကောင်ရှိတဲ့ တောင်ထိပ်အဆုံးကို ရောက်ပါတယ်။

အဲဒီကျမှ ပြုံးနိုင်တော့တာဖြစ်လို့မို့“မန္တလေးတောင်အဆုံး မြွေကြီးနှစ်ကောင် အပြုံး” လို့
ဆိုထားတာ နေမှာပါ။ (မိမိ အတွေးစ တစ်ခုပါ)

မန္တလေးတောင်တော်ကြီးကို အများပြည်သူ ဘုရားဖူးလို့ရအောင် လမ်းတွေဖောက်
စောင်တန်းတွေဆောက် ဘုရားတွေတည်သွားခဲ့တဲ့ ရသေ့ကြီးဦးခန္တီကို လူတိုင်းနီးပါး သိကြပါလိမ့်မယ်။

အဲဒီတုန်းက ခုခေတ်လို စက်ယန္တရား မထွန်းကားသေးတော့ တောင်ကြီးတစ်တောင် ပြီးစီးအောင်မြင်ဖို့ဆိုတာ ဘယ်လွယ်ကူပါ့မလဲ။ သာမန်ညောင်ညပုဂ္ဂိုလ်တွေ စိတ်တောင်မကူရဲတဲ့ လုပ်ငန်းစဉ်တွေဆိုပါတော့။

ဒါပေမဲ့ ဦးခန္တီလေ ။ ဦခန္တီဆိုတာ ပါရမီရှင်ပုဂ္ဂိုလ်။ ဘုန်းရှိတဲ့ပုဂ္ဂိုလ်။ ဖြစ်အောင်လုပ်တယ်။

ပါရမီရှင်တွေဆိုတာ အများအကျိုး ရွတ်သယ်ပိုးတဲ့နေရာမှာ အရိုးကြေကြေ အရေခမ်းခမ်း ဖြစ်အောင်လုပ်ပြတတ်တဲ့ ပုဂ္ဂိုလ်ထူးတွေပဲမဟုပ်လား။

ဦးခန္တီရဲ့ လုပ်ငန်းစဉ်တွေကြည့်ပြီး အင်္ဂလိပ်မင်းအစိုးရက

“ဦးခန္တီဟာ စီးပွားရေးလုပ်တာလဲမတွေ့ရဘူး ဘယ်က ပိုက်ဆံတွေရတာလဲ
ဦးခန္တီစီမှာ ငွေတုလုပ်စက် ရှိကို ရှိရမယ်” ဆိုတဲ့ သံသယတွေ ဝင်လာပြီး
ထောက်လှမ်းရေးတွေ လွှတ်လိုက်တယ်။

ဦးခန္တီစီရောက်တော့ “အေး အေး ခဏထိုင်ကြဦး ငါ ဘုရားဝတ်တက်
အဓိဌာန်ဝင်လိုက်ဦးမယ် ဆိုပြီး နာရီဝက်လောက် ဘုရားဝတ်တက်နေပါတယ်။

အင်္ဂလိပ်ထောက်လှမ်းရေးတွေကတော့ ဦးခန္တီဟာ ထွက်များပြေးမလား ဒါမှမဟုပ်
ငွေအတု လုပ်စက်ကိုအပ်ပြီး အဖမ်းခံမလားဆိုတာကို တွေးပြီး သေနတ်တွေနဲ့
စောင့်နေကြပါတယ်။

ရသေ့ကြီးဦးခန္တီ အဓိဌာန်ဝင် ဘုရားဝတ်တက်လည်းပြီးရော တောင်အောက်ကနေ
လူတွေ အဖွေးသာတက်လာကြပြီး

“ဘဘရသေ့ကြီး ဦးခန္တီ ဒါက တောင်ဘက်စောင်းတန်းအတွက်ပါ
ဒါကတော့ မြောက်ဘက်စောင်းတန်းမှာ ဘုရားတည်ဖို့ပါ ဒီဟာကတော့
ဇရပ်တွေဆောက်ဖို့ပါဆိုပြီး လင်ပန်းတွေထဲမှာ ငွေဒင်္ဂါးပြားတွေအပြည့် လာလှူကြပါတယ်။

အင်္ဂလိပ်ထောက်လှမ်းရေးတွေ ကြောင်အန်းအန်းဖြစ်ကုန်ကြပြီး ဦးခန္တီဟာ သူ့ရဲ့ဘုန်းတန်းခိုးတွေနဲ့ ဒီတောင်တော်ကြီး ဖောက်လုပ်နေတယ်ဆိုတာကို သဘောပေါက်သွားကြပါတယ်။

မြန်မာထောက်လှမ်းရေးတစ်ယောက်က ရသေ့ကြီးဦခန္တီထံ ချဉ်းကပ်ပြီးတော့

“ ဘဘ ဘုရား ..တပည့်တော်တို့လည်း အထက်ကအမိန့်တော်အတိုင်း လာကြရတာပါ၊
စိတ်မရှိပါနဲ့ဘုရား၊ ဘဘ အခုလို လုပ်ချင်တာတွေဖြစ်နေတာဟာ ဘယ်လိုမျိုး
ကျင့်စဉ်တွေကြောင့် ဖြစ်နေတာလဲဘုရား လို့လျှောက်ထားပါတယ်။

ဒီတော့  ရသေ့ကြီးက ငါကတော့ အများအကျိုး ရွတ်သယ်ပိုးမယ်ဆိုတဲ့
ပရဟိတစိတ်ဓာတ်တွေနဲ့ ဟောဒီ အရဟံ ဇယံ ဂါထာတော်ကို အမြဲရွတ်ပွားခဲ့တာပဲ၊

ဒါ့ကြောင့် အခုလို ဒီတောင်တော်ကြီးကို ပြီးစီးအောင်မြင်အောင် ဖောက်လုပ်နိုင်တာလို့ မိန့်လိုက်ပါတယ်။

ကဲ.. ရသေ့ကြီး ဦးခန္တီကတော့ မန္တလေးတောင်တော်ကြီးကို ပြီးစီးအောင်မြင်အောင်
ဖောက်လုပ်နိုင်တာဟာ အရဟံ ဇယံ ဂါထာရဲ့တန်းခိုးသတ္တိကြောင့်လို့ ပြောပြနေပါလား။

မိမိတို့တတွေလည်း ကိုယ်လုပ်ချင်တာတွေ ပြီးစီးအောင်မြင်ဖို့ ဆေးစက်ကျရာ အရုပ်ထင်ဖို့
အရဟံ ဇယံ ဂါထာကို ရွတ်ပွားကြပါစို့။

အော် ပြောဘို့မေ့နေသေးတယ်။ အရဟံ ဇယံ ဂါထာကို ရွတ်ပွားတော့မယ်ဆိုရင်
အများအကျိုးရွတ်သယ်ပိုးမယ်ဆိုတဲ့ ပရဟိတစိတ်ဓာတ်လေးထားပြီး ရွတ်ဆိုဘို့လည်း
မမေ့နဲ့ဦးနော်။

ဒါမှ ကိုယ်ဖြစ်ချင်တာတွေ ဖြစ်လာမှာ။ ဆေးစက်ကျရာ အရုပ်ထင်လာမှာ။
ယုံယုံ ကြည်ကြည်သာ ရွတ်ပွားသရဇ္ဈယ်ကြည့်ပါလို့ စေတနာစကား ပါးလိုက်ပါတယ်။

အရှင်ကောသလ္လ(မစိုးရိမ်)
နေ့လည် ၁၂..၃၅
.........................................................

အရဟံ ဇယံ ဂါထာတော်ကြီး

အရဟံ၊ဗဟိအန္တဇယံ၊သုဂတံ၊ အ,မိတံ၊ဝိရဇံ၊လ,လိတံ၊အ,တုလံ ။

စရဏံ၊တိဘဝူပသမံ၊ယမကံ၊ သုခ,ဒံ၊သရဏံ၊ပ,နမာမိ၊ဇိနံ။

အရဟံ= လူမင်း နတ်မင်း ဗြဟ္မာမင်းတို့၏ ဝပ်စင်းကော်ရော် ပူဇော်အထူးကို
ခံယူတော်မူထိုက်ပါပေထသော။

အရဟံ= လူ နတ် ဗြဟ္မာ သတ္တဝါတို့၏ ကြည်ဖြူကော်ရော် ပူဇော်အထူးကို
ခံယူတော်မူထိုက်ပါပေထသော။

ဗဟိ အန္တဇယံ= အတွင်းရန် အပြင်ရန်တို့ကို အတန်တန် အောင်တော်မူပြီးထသော။

သုဂတံ= ကောင်းသောစကားကို ဆိုတော်မူတတ်ပါပေထသော။

သုဂတံ = ကောင်းသောနိဗ္ဗာန်သို့ ကြွသွားတော်မူတတ်ပါပေထသော။

အ,မိတံ = မနှိုင်းယှဉ်အပ်သော ဂုဏ်တော်အပေါင်းနှင့် ပြည့်စုံတော်မူပါပေထသော။

ဝိရဇံ= ရာဂအစရှိသော ကိလေသာမြူ ကင်းတော်မူပါပေထသော။

လ,လိတံ= ရောင်ခြည်ခြောက်သွယ်ဖြင့် ကွန့်မြူးစံပါယ် တင့်တယ်တော်မူပါပေထသော။

အ,တုလံ= သီလအစရှိသော ဂုဏ်တော်တို့ကြောင့် တစ်စုတစ်ယောက်သောသူနှင့်
တူတော် မမူပါပေထသော။

စရဏံ = နိဗ္ဗာန်ရောက်ကြောင်း အကျင့်ကောင်းနှင့်ပြည့်စုံတော်မူပါပေထသော။

တိဘဝူပသမံ= ဘဝသုံးပါး ဘုံသုံးပါးတို့၌ ကိလေသာအပူမီးတို့ကို ငြိမ်းအေးစေတော်
မူနိုင်ပါပေထသော။

ယမကံ= ရေ မီး အစုံအစုံ အစရှိသော တန်းခိုးပြာဋိဟာတို့ကို ပြခြင်းငှါ
စွမ်းနိုင်တော်မူပါပေထသော။

သုခ,ဒံ=လူချမ်းသာ နတ်ချမ်းသာ နိဗ္ဗာန်ချမ်းသာတို့ကို ပေးတော်မူတတ်ပါပေထသော။

သရဏံ= လူ နတ် နဂါး သိကြား ဗြဟ္မာ သတ္တဝါဝေနေ များဗိုလ်ခြေတို့၏

အားထား ကိုးကွယ်ရာအစစ် ဧကန်ဖြစ်တော်မူပါပေထသော။

ဇိနံ= မာရ်ငါးပါးကို အောင်မြင်တော်မူပြီးသော မြတ်စွားဘုရားကို။

အဟံ= ဘုရားတပည့်တော်သည်။

ပ,နမာမိ= ကိုင်းညွှတ်ရိုကျိုး သဒ္ဓါမိုး၍ ရှိခိုးကန့်တော့ပါ၏ မြတ်စွာဘုရား။
...............................................................................................................
http://www.srimingalar.com မှကူးယူဖော်ပြပါသည်။