ယခုလိုလာလည်တဲ့အတွက် ကျေးဇူး တင်ပါတယ်။
တမှုန့်မြေလွှာ၊ တစ်လွှာပန်းခြောက်၊တပေါက်ရေစက်၊ငါတို့လက်မှရန်သူရလျှင်၊ မြန်မာ့သမိုင်းရိုင်းတော့မည်။

Saturday, October 30, 2010

“အဓိက”

“အဓိက”
ဧည့်သည်ဘ၀ ....တခဏဖြင့်
သာသနာခေတ် ....လူလာဖြစ်ချိန်
အနှစ်ရလျက် ......ဂုဏ်ရည်တက်အောင်
ရေပွက်ပမာ ........တစ်သက်တာ၌
သေမှာမလွဲ.........နေရဆဲဝယ်
ရခဲဘဝ .........အမြတ်ရအောင်
အတိတ်ပြန်တွေး......မပူဆွေးနှင့်
ရှေ့ရေးတွေးကြံ ......မပူပန်နှင့်
ရှေးကံသာယိုး ........စိတ်မညိုးနှင့်
တွေ့ရိုးအမှန် .......လောကဓံလည်း
သည်းခံ၍သာ .......မြတ်သိ က္ခာဖြင့်
ချိန်ခါတုင်းတွင် .......ကုသိုလ်ယှဉ်သည့်
ဖြူစင်စိတ်ထား .......ကိုယ်နှုတ်များဖြင့်
အများအကျိုး .......ရွက်သည်ပိုးမှ
ကိုယ်ကျိုးလည်းပြည့်.......အမြတ်ရှိမှာ
အသိသတိ ........အမြဲရှိလျက်
မိမိအားထုတ် ........အမြဲလုပ်သည့်
ပစ္စုပ္ပန်ကံ ..........ကောင်းမြတ်မှန်အောင်
စိတ်ဆန္ဒသန် ........ပညာဥာဏ်ဖြင့်
ပုံမှန်အားထုတ် .......ကြိုးစားလုပ်ပါ။ ။
ဦးဥတ္တမ (ပင်းမြို့)
အရှင်အရဟံ မဟာဗောဓိရွှေညောင်တော်
ပင်းမြို့ဟောင်း။ နတ်မောက်မြို့နယ်။ မကွေးတိုင်း။။

Thursday, October 28, 2010

အောင်သပြေညီနောင်

အောင်သပြေညီနောင်ဆိုသည်မှာအောင်သပြေမြို့ရိုးဟောင်းအရှေ့မြောက်ဒေါင့်၏အရှေ့ဘက်ကပ်လျှက်တွင်
ရှိသောသပြေညီနောင်ခေါ်သပြေပင်ကြီးနှစ်ပင်ဖြစ်ပါသည်။အံ့သြဖွယ်ကောင်းလောက်အောင်ပင်စည်များတုတ်
ကြပါသည်။စာရေးသူအပါအ၀င်ပါလာသူငါးယောက်ထိုအပင်ကြီးကိုဖတ်ကြည့်ကြည့်ရာမမှီပဲနောက်ထပ်သုံး
ပေလိုနေသေးသည်ကိုအံ့သြမိပါသည်။
အချင်းကိုတိုင်းကြည့်ရာ ၁၀ပေ၊၆လက်မရှိပါသည်။တောင်ဘက်ပင်မှာအချင်း၁၀ပေရှိပါသည်။
ပင်စည်အောက်ခြေအချင်းမှာမြောက်ဘက်ပင်မှာ ၂၃ပေ၊တောင်ဘက်အပင်ခြေမှာအချင်း၂၀ပေရှိပါသည်။
ဒေသခံများ၏အစဉ်လာပြောပြချက်အရ သုဒ္ဓေါနမင်းကြီးကသိဒ္ဓတ္ထမင်းသားကိုဒေ၀ိဠရသေ့အားပြသသည်။
ထိုဒေ၀ီဠရသေ့နှင့်သူငယ်ချင်းဖြစ်သည့်ဂေါ်ဓံရသေ့သည်ထိုအပင်ကြီးနှစ်ပင်အနီ့း၌သီတင်းသုံးခဲ့သည်ဟု
ဆိုပါသည်။ထိုအဆိုမှန်ကန်ပါက အဆိုပါသပြေပင်ကြီးနှစ်ပင်၏သက်သမ်းမှာနှစ်ပေါင်း(၂၅၀၀)ကျော်ပြီဟုခန့်
မှန်းရပါသည်။ထပ်မံတိုင်းတာချက်အရထိုအဆိုမှာမှန်ကန်သည်ဟုယူဆရပါသည်။တိုင်းတာချက်နှင့်ထိုအဆို
အရသပြေပင်ကြီးနှစ်ပင်မှာမြတ်စွာဘုရားရှင်ထက်အသက်၆၈နှစ်ကြီးသည်ဟုသတ်မှတ်လို့ရပါသည်။
ထိုသပြေပင်ကြီးနှစ်ပင်ကိုအစွဲပြုပြီးယခင်က အပင်မြို့။အောင်သပြေမြို့၊ဟုနာမည်တွင်ခဲ့ပါသည်။

ထိုမြင်ရသောရေတွင်းလေးမှာလဲအောင်သပြေညီနောင်ကြီးနှင့်အပြိုင်သက်တမ်းတူတူပဲဖြစ်ပါသည်။
ရေတွင်းရေမှာအမြဲအေးမြလျက်ရှိပြီးPH7အဆင့်ရှိကြောင်းကျမ်းမာရေးဝန်ကြီးဌာနမှတိုင်းတာချက်အရသိရ
ပါသည်။


အော်ခြေအမြစ်များမှာကျောက်ဖျာကဲ့သို့ဖြစ်ပေါ်နေသည်။



ထိုအောင်သပြေညီနောင်ကြီးနှင့်ပါတ်သတ်ပြီးသမိုင်းလေ့လာသူများအနေဖြင့်လေ့လာနိုင်သလို၊ဘာသာတရား
ဂမ္ဘီရလိုက်စားသူများလဲလေ့လာနိုင်ပါသည်။မျက်မြင်ကိုယ်တွေ့အရ ထိုအောင်သပြေညီနောင်ကြီးတွင်အဓိဌာန်
ပုတီးစိတ်၊တရားထိုင် ပြီး အောင်မြင်သွားသူအများအပြားကိုတွေ့ရပါသည်။ထိုအောင်သပြေညီနောင်တည်ရှိရာ
နေရာကတော့ မကွေးတိုင်း၊နတ်မောက်မြို့နယ်၊ယခုပင်းမြို့ဟောင်းနေရာတွင်တည်ရှိပါသည်။ရှင်အရဟံမဟာ
ဗောဓိရွှေညောင်တော်နှင့်ကပ်လျှက်တည်ရှိပါသည်။သွားရောလေ့လာနိုင်ပါသည်။

ကေအေတီရဲ့(ရူးမယ်)

ကျွန်တော်လဲရူးချင်နေတယ်။သီချင်းလေးထဲကလိုပဲဖြစ်နေပါသည်။



Tuesday, October 26, 2010

အနုပညာဆိုတာဒါလေ

ဒီအနုပညာသရုပ်ဖော်ပုံလေးတော်တော်ကောင်းတယ်ဗျာ။
ကဲသူငယ်ချင်းတို့လဲကြည့်ပါအုံး။အမောပြေပေါ့။

Sunday, October 24, 2010

ပြည့်ပြည့်စုံစုံ

ဒီနေ့ဖတ်မိတဲ့စာအုပ်လေးထဲကဖော်ပြတာပါ.....။
ရုံးအုပ်စာရေးကြီး ဦးသော်ဟာအသက်၅၀ကျော်တဲ့အထိနေ့စဉ်မပျက်ရုံးတက်နေရစဲပဲဗျ။သူ့ဘ၀မှာဘုရားသာ
အားကိုးရာလို့မြင်တဲ့အတွက်ရုံးခန်းနဲ့မလှမ်းမကမ်းက ဆုတောင်းပြည့်ဘုရားကိုအချိန်ရှိတိုင်းသွားပြီးအဓိဌာန်
ပုတီးစိတ်တက်တယ်။ပုတီးပါတ်ပြည့်ရင်ဘုရားကိုရိုရိုသေသေ၀တ်ချပြီး“ကားစီးရပါလို၏”လို့ဆုတောင်းတယ်။

ဆုတောင်းတော့ပြည့်တယ်ခေါ်ရမလားပဲ။ဦးသော်ရဲ့ဇာတိမြို့နဲ့မိုင်အစိတ်လောက်ဝေးတဲ့မြို့လေးကိုပြောင်း
ရွေ့ဖို့အမိန့်စာထွက်လာတယ်။ဦးသော်ဟာနေ့စဉ်ပဲဘတ်စ်ကားစီးပြီး ရုံးတက်နေရတယ်။

ဦးသော်အသက်ဟာကြီးပါပြီ။နေ့စဉ်ဘတ်စ်ကားစီးရင်း ပင်စင်ယူရတော့မှာပေါ့။အခါကြီး၊ရက်ကြီးတွေရောက်
လို့သူ့ကိုငယ်ရွယ်သူတွေကလာကန်တော့တဲ့အခါ ဦးသော်က ဆုတောင်းရင် ပြည့်ပြည့်စုံစုံတောင်းကြဟေ့
လို့သြ၀ါဒစကားပြောတယ်။

မောင်နဲ့မယ်ငှက်ဖြစ်ရင် တစ်ကိုင်းထဲနားရပါစေလို့ဆုတောင်းတယ်ဆိုပါတော့ တစ်ကောင်ကလင်းတ၊
တစ်ကောင်ကနှံပြည်စုပ်ဖြစ်နေရင်ဘယ်နှယ့်လုပ်ကြမှာတုန်း။ဒီလိုပဲနှစ်ကောင်လုံး ငှက်မတွေကြီးပဲဖြစ်နေရင်
တစ်ကိုင်းထဲတော့နားရပါရဲ့ ဟန်မကျဘူး။ဒါကြောင့်ဆုတောင်းတယ်၊ဆုတောင်းတယ်နဲ့အလွယ်မတောင်းနဲ့
ပြည့်ပြည့်စုံစုံဟာကွက်မရှိအောင်ဆုတောင်းကြလို့သူကမှာသတဲ့။ ။ ။
........
ဖေလင်းသစ်ရဲ့ဟောဒီလောကီ..စာအုပ်မှကူးယူဖော်ပြပါသည်။

Tuesday, October 19, 2010

တမူထူးခြား၊သမ္ဗုဒ္ဓေဂါထာတော်ကြီး.

ဤသမ္ဗုဒ္ဓေဂါထာတော်ကြီး.သည်ကျွန်တော်ရွတ်ဆိုနေကြပါ။လူတိုင်းရွတ်ဆိုနေကြဂါထာတော်နှင့်တမူမတူကွဲ

ပြားခြားနားပါသည်။ပါဌိလိုရေးတက်သလိုရေးလိုက်ပါတယ်။ဒီဂါထာကိုရွတ်ပြီးညပိုင်းအိမ်ပြန်လာရင်တောင်

လမ်းဘေးကနေတဖုတ်ဖုတ်နဲ့ပြေးသွားသံတွေခဏခဏကြားရပါတယ်။ကြည့်ရတာသရဲတွေပြေးသွားသလား

ပဲ။မယုံရွတ်ကြည့်။မော်လမြိုင်ကိုခဏရောက်တုန်း သရဲခြောက်တယ်ဆိုတဲ့အိမ်မှာ.အဲဒီဂါထာသုံးခေါက်ရွတ်ရ

သေးတယ် “ဘုန်းဘုန်း..တ၀ုန်းဝုန်း”နဲ့ပြေးသွားသံ၊အိမ်ပေါ်ကဆင်းပြေးသွားသံ ကြားရပါတယ်။ဒါတကယ်ပါ။

ဆင်းပြေးသံတာကြားရတယ်ဘာမှမမြင်ရပါ။

ဤဂါထာတော်ကြီးအစွမ်းကြောင့်ကြုံခဲ့ရတာတွေရေးရရင်ဖြင့်မကုန်နိုင်လောက်ဘူး။


သမ္ဗုဒ္ဓေဂါထာတော်ကြီး.

သမ္ဗုဒ္ဓေ အဋ္ဌ၀ီသဉ္စ၊ ဒွါဒသဉ္စ သဟဿကေ။

ပဉ္စဿတ သဟဿာနိ၊ နမာမိ သိရသာမဟံ။

ဂဂ္ဂင်္ါယံ ၀ါဠုက စုန္ဒေ၊ပယွာစေတာ ဗဟုဖုတ္လေ။

တေသံ ဓမ္မဉ္စ သံဃဉ္စအာဒရေန နမာမဟံ။

နမာကာရာ နုဘာဝေန၊ ဟိတွာ သဗ္ဗေ ဥပ္ပဒ္ဒဝေ။

အနေကာ အန္တရာယာပိ၊ ၀ိနဿန္တု အသေသတော။

...................................................................

Thursday, October 14, 2010

ပုဗ္ဗဏှသုတ်



http://sankooo.iblogger.org မှကူးယူဖော်ပြပါသည်။

Tuesday, October 12, 2010

မေတ္တသုတ်(မင်းကွန်းဆရာတော်ဘုရားကြီး)




http://sankooo.iblogger.org မှကူးယူဖော်ပြပါသည်။

Monday, October 11, 2010

“သက်ဆိုင်သူသာသိပါစေ”

ချစ်ရသူလေး.......ညီမလေးရေ၊ အသွေးအသား......နှလုံးသားမှ
ခံစားလျက်ပင်.........သံယောစဉ်ဖြင့်၊ အကြင်နာကဲ............ရင်မှာစွဲ၍
အသည်းထဲမှ............ချစ်လွန်းလှလည်း၊ တိတ်တခိုးလေး.........ကြိတ်ပိုးဆွေးလျက်
ချစ်ရေးမလှ...........ချစ်ဒုက္ခဖြင့်၊ ဤဘ၀မှာ..............ချစ်ရုံသာဟု
ရင်မှာသိရှိ...............ခံစားမိရင်း၊ ၀ဋ်ရှိလိုသာ........အပြစ်ရှိကြောင်း
ချစ်မိနေတာ........ဖွင့်ပြောပါလျှင်၊ အခါလွန်မိုး ........ရွာစွေဖြိုးသို့
ဆိုးကျိုးများသာ....ဖြစ်ကြမှာကို၊ ရင်မှာကြိုသိ.......မြင်ယောင်မိရင်း
ချစ်မိလွန်မှား......နှလုံးသားကို၊ ချစ်အားငယ်ရ....ဤဘ၀၀ယ်
ဤမျှသာဟု.....စတေးမူဖြင့်၊ ချစ်မူဇာတ်သိမ်း....ချစ်ဇာတ်ငြိမ်းလျက်
ချစ်ကိန်းမကြုံ.......ရင်မခုန်ဘဲ၊ လွမ်းရုံဆွေးရုံ.......တမ်းတရုံဖြင့်
ရူးရုံမျှသာ..........အဆုံးမှာမူ၊ သေမှာကိုပင်.....ကြိုသိမြင်လျက်
ချစ်ချင်သမျှ.....မြိုသိပ်ရပြီ၊ “ချစ်ရသူလေး...ညီမလေးရယ်”
ချစ်ကြွေးမပြေ...၀ဋ်ကြွေးတွေကို၊ ကံခေသူမှာ.......၀ဋ်ကြမ္မာကြောင့်
ရင်မှာခံစား.....သောကပွားလျက်၊ ချစ်အားမရှိ.....ချစ်မိနေသည်
ချစ်မိသူမှာ......ချစ်ဒဏ်ရာဖြင့်၊ သေပါတော့မည်...သေတော့မည်ဟု
သေသည်အထိ....ချစ်မိနေကြောင်း၊ မချိရင်မှာ...........ကြေကွဲစွာဖြင့်
တွယ်တာနှောင်ငင်..သံယောစဉ်သည်၊ အမျှင်မပြတ်.......ဆို့နင့်ကျပ်လျက်
ရင်လှပ်မောထိ....ရိုက်ငိုမိအောင်၊ ချစ်မိသမျှ..........စိတ္တဇကြောင့်
နွမ်းလျညိုးချုံး.....အပူဖုံးလျက်၊ နှလုံးသားမှ........မျက်ရည်စတို့
စီးကျသမျှ.....တားမရဘဲ၊ ချစ်သမျှကို....သစ္စာဆို၍
ချစ်လိုသမျှ....ချစ်ဒုက္ခဖြင့်၊ “ချစ်ရသူလေး....ညီမလေး”ကို
ချစ်သွေးသက်သေ....ပေးဆက်နေသည့်
အသေဖြောင့်စွာ......သေတမ်းစာဟု
ကိုယ်သာချစ်မိ.....အပြစ်ရှိကြောင်း
ချစ်မိတာဝန်........ဝေဒနာဖြင့်
ကဗျာဖွဲ့ကာ.....ရေးခဲ့ပါသည်
ကြင်နာသမျှ......ချစ်သမျှကို
“ချစ်ရသူလေး...ညီမလေး”သာ
ချစ်ကြွေးလည်းးပြေ...၀ဋ်ကြွေးကျေအောင်၊ ချစ်နေမူလေး......စာနာတွေးလျက်
ချစ်သွေးတူစွာ.....အကြင်နာဖြင့်၊ ရင်မှာခံစား.......သိစေသားဟု
စိတ်ထားရည်သန်...တောင်းဆုပန်လျက်၊ ချစ်ကံခေစွာ........သေပျော်ပါပြီ
“ကြင်နာသူလေး....ညီမလေးရယ်”၊ ချစ်ရေးမလှ...ချစ်ဒုက္ခကြောင်
ဘ၀ဤတွင်.....ဆုံးစေချင်တာ၊ အကြင်နာနှင့်....ခွင့်လွှတ်သင့်ကြောင်း
ထပ်ဆင့်တောင်းပန်....အသေခံမည်၊ နောင်သံသရာ...ဘယ်သောခါမှ
ဆုံပါရမည်....တောင်းဆုရည်လျက်၊ “ချစ်ညီမလေး”...သိစေရေးကို
ချစ်သွေးကဗျာ...ဖွဲ့ဆိုပါသည်၊ ဖြစ်ရာဘ၀.....ဟူသမျှ၌
“ချစ်ရသူလေး....ညီမလေး”နှင့်၊ ချစ်ရေးကံကြုံ......ဖူးစာဆုံ၍
ချစ်ဘုံချစ်နန်း.....ချစ်စခန်းဝယ်၊ ချစ်ပန်းလှလှ......ဖူးပွင့်ကြလျက်
ညားရပါစေ......ပေါင်းရစေဖို့၊ ဆုချွေလျက်တာ...ရင်ဖွင့်ပါသည်
ရင်မှာစိုးမိုး......တိတ်တခိုးနှင့် ၊ ကြိတ်ပိုးဆွေးကာ....ချစ်နေပါသည်
ရင်မှာစူးနစ်.......သေအောင်ချစ်သော၊ အချစ်ဆိုတာ....သိနိုင်ပါစေ
ရင်မှာစူးနစ်.....ပေးဆပ်ချစ်သော၊ အချစ်ဆိုတာ....သိနိုင်ပါစေ
ရင်မှာစွဲနစ်.....သိပ်ကိုချစ်သော၊ သူချစ်ဆိုတာ....သိနိုင်ပါစေ.......
ရင်မှာစွဲနစ်.....သိပ်သိပ်ချစ်သော၊ မချစ်စဖူး.......အချစ်ဦးမို့
အထူးချစ်တာ.....သိနိုင်ပါစေ.......၊ ရင်မှာစွဲမြဲ........တချစ်ထဲမို့
ချစ်မြဲချစ်မှာ...သိနိုင်ပါစေ......၊ ရင်မှာစွဲငြိ.......သေသည်ထိအောင်
ချစ်မိနေတာ.....သိနိုင်ပါစေ.......
ရင်မှာစွဲလမ်း.....အသည်းကျွမ်းအောင်၊ အရမ်းချစ်တာ.......သိနိုင်ပါစေ
ရင်မှာစွဲနစ်......သနားချစ်မို့၊ သိပ်ချစ်ရတာ......သိနိုင်ပါစေ
ရင်မှာစွဲနေ.......ချစ်မြူတေကို၊ သေသေချာချာ...သိနိုင်ပါစေ....
ကြင်နာသမျှ....ဖြူစင်လှစွာ၊ ဘ၀နဲရင်း......ချစ်ခဲ့ခြင်း၌
တွေ့ခြင်းနောက်ကျ...ကံဆိုးလှ၍၊ သေရပါလည်း....ရင်မှာစွဲသည့်
မြဲမြဲခိုင်ခိုင်....ချစ်မဏ္ဍျိင်ကို၊ သက်ဆိုင်သူသာ...သိနိုင်ပါစေ.....
ရင်မှာစွဲနစ်...သိပ်သိပ်ချစ်သော၊ နှစ်နှစ်ကာကာ...ချစ်မေတ္တာကို
“ကြင်နာသူလေး...ညီမလေး”သာ၊ ချစ်သွေးတူစွာ.....သိနိုင်ပါစေ......
ရင်မှာမြဲခိုင်......ချစ်မဏ္ဍျိင်ကို
သက်ဆိုင်သူသာ.....သိပါစေ။ ။
...................................................................................

Tuesday, October 5, 2010

ကြော်ငြာ

ဒီနေ့မနက် နိုင်းနိုင်းစနေသို့ ပေးစာ ပို့ထဲက ဆရာအောင်ဖုန်းမြင့်ဆီကိုဖုန်းဆက်ပြီးဗေဒင်မေးကြည့်တယ်။
ဆရာကြီးကတကယ်စိတ်ရှည်တယ်။နောက်ပြီးဟောချက်တွေက အရမ်းမှန်တော့၊အံသြမိတယ်။
ဆရာကြီးကိုစမိတ်ဆက်တော့ကျွန်တော်မနိုင်းနိုင်းစနေဘလော့ကနေသိလို့မေးတာပါလို့..ဆိုတော့....
ဆရာကြီးကပြောတယ် ပြည်ပမှာနေတဲ့မည်သည့် မြန်မာလူမျိုးမဆို သူ့ဆီကိုမြန်မာစံတော်ချိန် မနက် ၆နာရီမှ ၉နာရီအထိဖုန်းဆက်ဗေဒင်မေးမြန်းနိုင်ပါတယ်တဲ့။အခမဲ့ဟောပေးပါတယ်တဲ့။မည်သည့်အခက်အခဲမဆိုသူတက်
တဲ့ပညာနဲ့ဖြေရှင်းပေးပါတယ်တဲ့။ကျွန်တော်ကိုလက်ဆင့်ကမ်းပြောကြားပေးပါတဲ့။
စိတ်ဝင်စားမယ်ဆိုရင်ယုံကြည်စွာနဲ့မေးမြန်းနိုင်ပါတယ်။ကျွန်တော်ကတော့ကိုယ်တွေ့......။
ဆရာကြီးအမည်က=ဆရာအောင်ဖုန်းမြင့်
ဖုန်းနံပါတ်=
+ ၉၅၁ ၅၄ဝ ၇၂ဝ
အချိန်=မြန်မာစံတော်ချိန် မနက် ၆နာရီမှ ၉ နာရီအထိ -နေ့စဉ်-
မည်သည့်နိုင်ငံ မည်သည့်နေရာမှမဆို အခကြေးငွေမယူပဲ ဟောပေးနေတာ ဖြစ်ပါတယ်။
................................................................................................................
ဒေါင်းမင်း

Monday, October 4, 2010

အဆိပ်သင့်ပင်စည်နှင့်နောက်ဆက်တွဲ

အဆိပ်သင့်ပင်စည်နဲ့ပါတ်သတ်တာလေးတွေအွန်လိုင်းမှာရှာကြည့်မိတော့မှလွဲနေတာလေးတွေ။ကူးယူဖော်ပြ
မူရင်းကျွန်တော်လိပ်စာမထည့်တာလေးတွေ့လို့ပြန်လည်တင်လိုက်ပါ။ကူးယူဖော်ပြခံရတာကိုတော့မပြောလို
ဘူး။ဒါပေမယ့်ကူးယူခဲ့တဲ့မူရင်းလိပ်စာမထည့်တာရယ်။မူးရင်းပို့ထက်စာကြောင်းပိုထည့်တာတွေကရုပ်ဆိုး
လှတယ်။ဒီစာသားလေပေါ့> သူမ၏ပီတိလှိုင်းတို့စတင်ညစ်နွမ်းစပြုခဲ့ရပါပြီ။
> " ချို-- မင်း ကိုယ်တို့ မွတ်စလင်ဘာသာထဲဝင်ရမယ်.။"

ကျွန်တော်တင်လိုက်တဲ့ပို့မှာဘယ်ဘာသာရယ်လို့မထည့်ထားပါဘူး။..ပဲထည့်ထားပါတယ်။

" ချိုမင်းကိုယ်တို့ဘာသာထဲဝင်ရမယ်.။"
"ဟင်..ကိုယ်ကြိုက်တဲ့ဘာသာယူလို့ရတယ်မဟုတ်ဘူးလား"
"မရဘူးချိုကိုယ့်ခင်ပွန်းရဲ့ဘာသာကိုဇနီးသည်ကလိုက်ယူရတာကိုယ်တို့ဘာသာရဲ့ထုံးစံပဲ။
ဒါမူရင်းကျွန်တော်တင်လိုက်တဲ့အတိုင်းပါပဲ။ဘာကြောင့်အပိုစောင်းမွတ်စလင်ဆိုတာထည့်လဲဆိုတာတော့
သိပါတယ်။ဒါပေမယ့်ကိုယ်တင်လိုက်တဲ့ထပ်တိုးလိုက်တဲ့စာကြောင်းလေးတစ်ကြောင်းကတခြားဘာသာဝင်
တွေကိုထိခိုက်မှုဖြစ်မှာဆိုးလို့.ဒီအဆိပ်သင့်ပင်စည်ကိုရေးသားခဲ့တဲ့ဆရာတော်ဂန္ထလုလင်(ဘိုကလေး)
ဘယ်ဘာသာဖြစ်တယ်လို့မထည့်ခဲ့ပါဘူး။နောက်တစ်ခုက
http://revpandita.blogspot.com/2009/09/blog-post_6453.html မှာအဆိပ်သင့်ပင်စည်ကိုကူးယူ
ဖော်ပြထားပါတယ်။စာရေးသူနေရာမှာ (ဤ၀တ္ထုတိုလေးသည်အဖြစ်ပျက်မှန်တစ်ခုအားအခြေခံပြီးခံစားရေးဖွဲ့ထားသောဝတ္ထုတိုတပုဒ်ဖြစ်
ပါသည်။)

> ရွှေမြန်မာ(ဘိုကလေး)
ဆိုပြီး ရေးသူနာမည်တောင်ပြောင်းထားတာတွေ့ပါတယ်။မဖြစ်သင့်တဲ့ကိစ္စလို့ထင်ပါတယ်။တခြားကူးယူဖော်
ပြတဲ့ဆိုဒ်တွေကိုတော့မဖော်ပြတော့ပါဘူး။
အဆိပ်သင့် ပင်စည်(၁)
Sunday, January 18, 2009

ကိုတင်ပြခဲ့ပါတယ်။

အဆိပ်သင့် ပင်စည်(၂)ဇာတ်သိမ်း

Monday, January 19, 2009
မှာတင်ပြခဲ့ပြီးဖြစ်ပါသည်။သွားရောက်ဖတ်ရှုနိုင်ပါတယ်။
မခင်ဦးမေပြောသလိုပဲ ကလိကလိနဲ့ ကျလိကျလိ
ဖြစ်ရပါတယ်။ဘယ်လိုတွေဖြစ်နေမှန်းလဲမသိတော့ပါအွန်လိုင်းကြီးရေ။

ခင်မင်လေးစားစွာဖြင့်
ဒေါင်းမင်း
....................................................................................................................
အခုအဆိပ်သင့်ပင်စည်ဆိုတဲ့ဖြစ်ရပ်မှန်ကိုအခြေခံထားတဲ့ဇာတ်လမ်းကိုအလွယ်တကူဖတ်လို့ရအောင်
ပြန်လည်တင်ပြပေးလိုက်ပါသည်။
.........................................................................................................................
အဆိပ်သင့် ပင်စည်

ဤ၀တ္ထုတိုလေးသည်အဖြစ်ပျက်မှန်တစ်ခုအားအခြေခံပြီးခံစားရေးဖွဲ့ထားသောဝတ္ထုတိုတပုဒ်ဖြစ်ပါသည်။

......*......*....*....*......*.....*xxxxxxxxx......*.........*..........*.........*........*

ကိုယ်ထင်ရင်ကုတင်ရွှေနန်းလို့စကားပုံကဆိုခဲ့ပါသည်။အထင်သည်မမြဲခဲ့ပါ။ပြောင်းလဲခဲ့ရပါပြီ။ ဒီတော့ ကုတင်သည် ရွှေနန်းမဟုတ်ပဲသူမအတွက်အလျှံငြီးငြီးတောက်လောင်နေသော သံနှောင်အိမ်ဖြစ်ခဲ့ရပါလေ
ပြီ။

"ချိုရယ်မင်းရဲ့ အပြစ်ကင်းတဲ့အပြုံးလေးရယ်၊ ၀ါဝင်းတဲ့အသားလေးရယ်ဟာ ကိုယ့်ကိုပထမဆုံးဖမ်းစား လိုက်တာပါပဲ"
ချစ်သူ၏နွေးထွေးသောစကားသံများသည်သူမအတွက်ငြိမ့်ညောင်းသောဂီတသံများဖြစ်ခဲ့ဖူး ပါသည်။
"မချိုရယ် ညည်းအိမ်ထောင်ကျ သိပ်ကံကောင်းတာပဲ"
ဘ၀တူမိန်းကလေးများ၏ချီးကျူးမှုကိုခံရသောအခါသူမမပွင့်တစ်ပွင့်ပြုံးပြခဲ့ပါသည်။ရင်ထဲမှာတော့
တိတ်တခိုးပီတိလှိုင်းတို့အလိပ်လိုက်တက်နေခဲ့ပါသည်။မင်္ဂလာဆောင်ပြီး နောက်တစ်နေ့မှာတော့
သူမ၏ပီတိလှိုင်းတို့စတင်ညစ်နွမ်းစပြုခဲ့ရပါပြီ။
" ချိုမင်းကိုယ်တို့ဘာသာထဲဝင်ရမယ်.။"
"ဟင်..ကိုယ်ကြိုက်တဲ့ဘာသာယူလို့ရတယ်မဟုတ်ဘူးလား"
"မရဘူးချိုကိုယ့်ခင်ပွန်းရဲ့ဘာသာကိုဇနီးသည်ကလိုက်ယူရတာကိုယ်တို့ဘာသာရဲ့ထုံးစံပဲ

ဒါကြောင့်ချိုမဖြစ်မနေပြောင်းမှဖြစ်မယ်"။
"အကိုပဲလက်ထက်ပြီးရင်ချို့အလိုကျအားလုံးဖြစ်စေရမယ်ဆို"

"အေးလေအားလုံးချို့အလိုကျထားတယ်လေ အခုချို့မှာတီဗွီ၊ဗီစီဒီ၊ရေခဲသေတ္တာ၊အဲယ်ကွန်း၊
တယ်လီဖုန်း၊သွားစရာရှိရင်ကား အားလုံးပြည့်စုံနေပြီ။ဒါတွေအားလုံးချို့ကိုချစ်လွန်းလို့
ကိုယ်ပြည့်ပြည့်စုံစုံထားပေးတာလေ"

အိမ်ထောင်ရှင်မိန်းမတစ်ယောက်ရဲ့ဘ၀ဟာခေတ်မှီင်္တဲ့ရုပ်ဝတ္ထုပစ္စည်းတွေပြည့်စုံနေရင်လုံလောက်ပြီလို့ ထင်ခဲ့တဲ့သူမရဲ့အသိဟာနောက်ကျခဲ့ရပါပြီ။အရှုံးပေးလက်မြောက်ခြင်းနဲ့ပဲသူမခင်ပွန်းရဲ့အလိုကျဘာသာ ပြောင်းခဲ့ရပါပြီ။
"ဟယ်...အမေလာတယ်၊၀မ်းသာလိုက်တာအမေရယ်သမီးလေအမေ့ကိုအရမ်းအောက်မေ့နေတာ၊
အမေနေကောင်းတယ်-နော်"
"အေး..ကောင်းပါတယ်သမီးရယ်၊.အမေလည်းငါသမီးသားဦးလေးမွေးတယ်ကြားကတည်းကလာချင်နေတာ
အိမ်မှာလေးချက်ပြုတ်ရေးတာဝန်လက်လွဲလို့မရတာနဲ့တော်တော်နဲ့မလာဖြစ်ဘူး။ဒါနဲ့ငါမြေးကြီးကြည့်
စမ်းပါရစေအုံး ဟယ်။ငါ့မှာမြေးဦးသင်္ကန်းချီရတော့မှာဆိုတော့ဝမ်းသာနေတာ..ဟဲ့။"



အမှတ်မထင်ပြောလိုက်သောမိခင်ဒေါ်ရင်၏စကားသံကြောင့်သူမထိပ်ထိပ်ပြာပြာဖြစ်သွားရသည်။သူမ၏
ခင်ပွန်းကမီးဖိုခန်းမှာထမင်းစားနေခိုက်ဖြစ်၍တော်ပေသေးသည်။ဒေါ်ရင်ကတော့သူမအဖြစ်ကိုမသိရှာပဲ
ကလေးကိုကောက်ယူပွေ့ချီချော့မြူနေပါသည်။


........*................*.........*

အကြားအမြင်ဗဟုသုတနည်း၍ရိုးသားလွန်းသောမိခင်နှင့်ဘာသာအယူပြင်းထန်းသောခင်ပွန်းသည်တို့
အကြား
ပဋိပက္ခမဖြစ်စေရန်သူမသတိကြီးစွာထား၍ဂရုစိုက်ခဲ့သည့်ကြားမှာပင်ပြဿနာကရိုင်းပြစွာဝင်
ရောက်လာခဲ့ ပါသည်။

"ဒီမှာချို မင်းအမေလုပ်ပုံကောင်းသေးရဲ့လား"
"ဟင်...အမေဘာလုပ်မိလို့လဲ"

"ဘာလုပ်ရမှာလဲကွ မနက်ကဘုန်းကြီးတစ်ပါးကိုဆွမ်းထွက်လောင်းတာငါကိုယ်တိုင်မြင်လိုက်လို့ပေါ့"

"သြော်-အစ်ကိုရယ်ရွာမှာလဲအမေကနေ့တိုင်းဒီလိုဆွမ်းလောင်းနေကျလေ။ဒီမှာလည်းထမင်းဟင်းအဆင်
သင့်ကျက်ပြီးသားဖြစ်နေတာနဲ့လောင်းလိုက်တာနေမှာပါ"

"မလိုချင်ဘူးကွာ-သူအိမ်မှာသူဘာလုပ်လုပ် ငါ့အိမ်မှာငါမကြိုက်တာမလုပ်ရဘူး။ ဒီကိစ္စမင်းပြောရင်ပြော
မင်းမပြောရင်ငါပြောရလိမ့်မယ်။"

"အို-အကိုပြောစရာမလိုပါဘူး၊ချို့ဘာသာအဆင်ပြေအောင်ကြည့်ပြောပါ့မယ်။"


မိခင်အားရန်လိုထိပါးလာမည့်ကိစအတွက်သူမကြမ်းတမ်းစွာတုန့်ပြန်လိုက်ချင်ပါသည်။သို့သော်ပြဿနာ
က ပိုကြီးထွားလာနိုင်သည့်အတွက်နာကျင်မှုတို့ရောစွက်နေသောဒေါသကိုအသာမျိုသိပ်ထားလိုက်ရသည်။


သူ့မိခင်ပြန်သောနေ့တွင်မော်တင်သင်္ဘောဆိပ်သို့သူမကိုယ်တိုင်လိုက်ပို့ဖြစ်သည်။ကားပေါ်ကအဆင်းမှာ
ပင်
ယခင်ကသူမနှင့်အတူဈေးရောင်းခဲ့သောရွာသူအိမ်နီးချင်းမိန်းကလေးများနှင့်ဆုံဖြစ်သည်။

"ဟယ်-မချိုဝလာလိုက်တာဟယ်၊သူဌေးမရုပ်တကယ်ကျတယ်သိလား၊နင်ငါတို့ကိုသတိရသေးရဲ့လား-ဟင်။
ငါ့မှာတော့နင့်ကိုနေ့တိုင်းသတိရနေတာ။"
"အေးမာရယ်-ငါလည်းနင်တို့ကိုသတိရပါတယ်၊ငါမှာအပြင်လဲကောင်းကောင်းထွက်ခွင့်မရ၊သားလေးက
လည်းရှိနေတော့အိမ်ထဲမှာပဲအောင်းနေရတယ်။"
"သြော်ဒါနဲ့မချို-ဒီနှစ်ရွာဦးကျောင်းကထိန်မှာဆိုင်းပါတယ်သိလား၊တန်ဆောင်တိုင်မီးပန်းတောင်းလှည့်ပွဲက


လဲ အရင်နှစ်တွေထက်ပိုစည်မှာရန်ကုန်ကဦးကျော်မြင့်တို့က-ကထိန်မှာငွေမတည်ပြီးမီးပန်းတောင်းပွဲကို
အထူး စပါယ်ရှယ်လုပ်ပေးမှာတဲ့။အဲဒါ-နင်လာခဲ့ပါ့လားဟယ်။"
"အေးဟယ်ငါလာချင်လိုက်တာ နင်တို့ပြောမှ ငါရွာကိုပိုပြီးတောင်သတိရလာတယ်။"


ပြောသာပြောရသည်သူမဘ၀သည်ရွာကစည်ကားလှသောအလှူပွဲ၊ကထိန်ပွဲများနှင့်အဆက်ပြတ်ခဲ့ရပြီဖြစ်
သည်။ "မည့်သည့်ပွဲတော်ကိုမျှမသွားရဟု"
တချက်လွတ်အမိန့်ထုတ်ခံခဲ့ရပြီးဖြစ်သည်။ကိုယ့်ဝမ်းနာကိုယ်
သာသိမို့သူငယ်ချင်းများကိုရွာအကြောင်းမပြောဖြစ်အောင်စကားလမ်းကြောင်းပြောင်းလိုက်ရသည်။
မိမိ၏ကျဉ်းကျပ်သောဘ၀နှင့်ရွာကိုလွမ်းဆွတ်သောရင်တွင်းဝေဒနာတို့ကိုသူငယ်ချင်းများမရိပ်မိစေရန်အပြုံး
တုဖြင့်ဖုံးထားရင်းစကားပြောနေရသည်။

အပြန်လမ်းတစ်လျှောက်တွင်ကားပေါ်လိုက်ပါရင်းရွာကပွဲတော်တွေအကြောင်းသူမတွေးနေမိသည်။သူမ၏
အပျိုစင်ဘ၀အပျော်ဆုံးအချိန်များသည်ရွာမှပွဲတော်ရက်များပင်ဖြစ်ခဲ့ရသည်။အလှူပွဲ၊ဘုရားပွဲ၊ရှိပြီဆိုလျှင်
တဒေါက်ဒေါက်ဓါးချက်သံလေးများဖြင့်စည်းချက်ညီညာသောကြက်သွန်လှီးပွဲမှာသူမပါဝင်စမြဲ။ကွမ်းတောင်
ပန်းတောင်ကိုင်အဖွဲ့နှင့်အမျိုးသမီးဝေယျာဝစ္စအဖွဲ့များတွင်သူမသည်အရေးပါသူတစ်ယောက်။ဝါတွင်းဥပုသ်
နေ့များနှင့်သင်္ကြန်ရက်များတွင်ဥပုသ်သည်များအားကျွေးမွေးရန်မုန့်လုံးရေပေါ်လုပ်ရသည်မှာလဲပျော်စရာ
ကောင်းလှသည်။ရွာမှာကျန်ရစ်ခဲ့သောသူငယ်ချင်းများမှာပျော်ရွှင်စရာဤပွဲတော်ရက်များကိုဆက်လက်ဆင်နွဲ
ကျပေဦးတော့မည်။သူမမှာတော့ပွဲတော်ရက်များရောက်တိုင်းလွမ်းမောခြင်းနဲ့သာအချိန်ကုန်နေရပြီဖြစ်သည်။
ကြိုတင်တွေးမထားမိသောဆုံးရှုံးမှုများကိုသူမဆက်ပြီးမစဉ်းစားချင်တော့။မျက်လုံးအစုံကိုပိတ်၍အတွေးကိုရပ်
ရန်ကြိုးစားလိုက်သည့်တိုင်မျက်ရည်စီးကြောင်းတို့ကပါးပြင်ပေါ်သို့လိမ့်ဆင်းလာသည်။

*................*...........xxxxxxx........*......................*

ဤခုနှစ်ဆူကုန်သော......မြတ်စွာဘုရားကိုယ်တော်အပေါင်းတို့သည်...ဤမင်္ဂလာမဏ္ဍပ်.....ကျောင်းတော်
အမှတ်ဖြင့်သာလျှင်...ရွှေဖ၀ါးရတနာ...စကြာရွှေဖ၀ါး....ဖြန့်ငြား........ဖြန့်ငြားပါစေသော်။

သူမတို့နေရာနှင့်မလှမ်းမကမ်းတွင်ရှိသော မဟာသိမ်တော်ကြီးကျောင်းတိုက်မှလွင့်ပျံလာသောအသံချဲ့စက်
အသံ။ဤသီချင်းသံသည်ရွာမှာအလှူဘုရားပွဲရှိတိုင်းဖွင့်နေကျသီးချင်းသံဖြစ်သည်။အခုမှပို၍တမ်းတစွာ
နားထောင်ဖြစ်သည်။ရွာကိုပို၍သတိရမိသည်။

သူမတို့အရပ်တွင်အလှူအစနေ့တွင် အသံချဲ့စက်ရောက်သည်နှင့်တပြိုင်နက်သီချင်းသံကိုစတင်ကြားရသည်။
ထိုအချိန်တွင်သူမတို့အမျိုးသမီးအုပ်စုကကြက်သွန်လှီး၊ကြက်သွန်ခွာဖြင့်အလုပ်ရှုပ်ကျမည်။ဦးညွန့်တို့
ဦးအောင်လံတို့၊ဦးကြီးများကအကျီဗလာကျင်း၍ပုဆိုးခေါင်းပေါင်းဖြင့်လာရောက်ထမင်းချက် ကြမည်။ကလေး
တသိုက်ကဆူညံစွာပြေးလွှားဆော့ကစား၍အချို့ကအသံချဲ့စက်နားတွင်ဝိုင်းအုံနေကြမည်။ ညနေပိုင်းတွင်
အလှူအိမ်ကကျွေးမွေးသောသီးစုံချဉ်ရေဟင်း၊ငံပြာရည်ချက်၊တို့စရာတို့ဖြင့်ကလေးလူကြီးအားလုံးပျော်ပျော်
ပါးပါးစားသောက်ကျတော့မည်။

ဤသီချင်းနှင့်စိတ်ကူးထဲကရွာအလှူပွဲ၏ပုံရိပ်မြင်ကွင်းအစုံသည်သူမနှလုံးသားထဲအသွေးအသားထဲအထိ
ရုန်းကြွလှုပ်ရှားဆူဝေလာစေ၏။ရင်တလှပ်လှပ်တုန်လာသည်အထိရွာကိုအောင်းမေ့မိ၏။အိမ်အပြင်ထွက်၍
အသံချဲ့စက်အသံကြားရာသို့သူမထွက်ကြည့်လိုက်သည်။ယောဂီလုံချည်များဝတ်လျှက်သာသနာတော်အကျိုး
အတွက်ငွေဖလားကိုယ်စီကိုင်ကာအလှူခံနေသူများ၊တက်စွမ်းသရွေ့ထည့်ဝင်လှူဒါန်းသွားကျသူများ၊
ကျောင်းတော်ကြီးအတွင်းဝင်၍ဘုရားဝတ်ပြုနေသူများ၊ကျက်သရေရှိလှသောမြင်ကွင်းအစုံကိုသူမလွမ်းမော
စွာငေးကြည့်နေမိသည်။

ဖြစ်လိုရာဖြစ်စေတော့ပိုက်ဆံအိတ်ထဲမှငွေသုံးထောင်ကျပ်ကိုထုတ်ယူ၍ခပ်သုတ်သုတ်သွားလှူလိုက်သည်။
ဘ၀တသက်တာအတွင်းမှာအရသာအရှိဆုံးအလှူဟုသူမဘာသာမှတ်ချက်ပြုရင်းကြည်နူးလိုက်သည်ဖြစ်ခြင်း။

.......................................................*...................................................
"ဒကာမကြီး-ကိုရင်တစ်ပါးဆွမ်းခံကြွလို့ရမလား"

သင်္ကန်းကိုသပ်ရပ်စွာရုံထားသောကိုရင်နှစ်ပါးကသူမကိုမြင်၍ဆွမ်းဖိတ်လိုက်ခြင်းဖြစ်သည်။ဘာသာခြားအများ
စုနေထိုင်သောဤနေရာတ၀ိုက်တွင်မြန်မာရုပ်ပေါ်လွင်နေသောသူမကိုတွေ့လိုက်၍အားကိုးတကြီးဆွမ်းဖိတ်
လိုက်ခြင်းဖြစ်သည်။သူမဘာပြောရမှန်းမသိတော့ကိုရင်များကိုခပ်တွေတွေကြည့်နေမိသည်။


"အရှင်ဘုရားတပည့်တော်.......?........ဘာသာဝင်ပါဘုရား"

တစ်ဆို့နေသောလည်ချောင်းအတွင်းမှသူမအသံချောက်ကပ်စွာထွက်ပေါ်လာသည်။ကိုရင်များကသူမကို
ဘာသာခြားဟုတ်ပါ့မလားဟုသံသယအကြည့်ဖြင့်ကြည့်၍လှည့်ပြန်သွားကြလေပြီ။

အလှူအတန်းရက်ရောသောအဘိုးအဖွားတို့၏မြေးဖြစ်သူ.သဒ္ဓါစေတနာထက်သန်သော အမိအဖတို့၏သမီး
ဖြစ်သူ၊ကုသိုလ်ကောင်းမှုဖြင့်ဝေးခဲ့ရ၍အလှူအတန်းကိုရက်ရောစွာပြုလုပ်လိုသူယခုတော့ဆွမ်းလာဖိတ်သော
ကိုရင်များကိုဘာသားခြားပါဟူ၍ငြင်းဆန်လိုက်ရပြီ။ရင်ထဲမှာနင့်နေအောင်ခံစားလိုက်ရသည်။တလှိုက်လှိုက်
တက်လာနေသောရင်တွင်းသောကကိုဘယ်လိုမှထိန်းမထားနိုင်တော့။အိပ်ခန်းတွင်းသို့ဝင်၍အားရအောင်
ငိုရှိုက်ပစ်လိုက်သည်။

.......*.........*............xxxxxxxxxxxx........*........*..........

တိတ်ဆိတ်သောပတ်ဝန်းကျင်၊ခပ်စိမ့်စိမ့်လေနုအေး၊ကြည်နူးဖွယ့်ဆည်းလည်းသံတို့ကိုခံစားရင်း၊အလင်း
ရောင်ခပ်ဖျော့ဖျော့အောက်ဝယ်ထီးထီးမားမားတည်ရှိနေသောစေတီတော်မြတ်ကြီးကိုဦးချရှိခိုးလိုက်သည်။
တဒင်္ဂအခိုက်အတန့်လေးရယ်ပေါ့။သည်အခိုက်အတန့်လေးမှာပင်မြင်ကွင်းအားလုံးပျောက်ကွယ်ခဲ့ရပါပြီ။
သူမအိပ်ယာကလန့်နိုးခဲ့သည်။

"ဟင်-ငါရွှေတိဂုံဘုရားကိုအိမ်မက်မက်နေတာပါလား။သြော်....မချိုရယ်..ဘုရားကညည်းကိုအမြင်မှန်ပြနေ
ပါလား။ချစ်သမီးကကိုယ့်ရဲ့ဘာသာကိုစွန့်ခွာသွားပေမယ့်ငါကချစ်သမီးကိုမမေ့ပါဘူးလို့ပြောပြနေတဲ့
အတိုင်းပါပဲလား"။


သူမတီးတိုးစွာရေရွတ်မိသည်။မိုးစင်စင်လင်းသွားသည့်တိုင်ဆက်၍အိပ်မရတော့။မြင်သိစိတ်၏အာရုံမှာ
အိမ်မက်ထဲကစေတီတော်မြတ်ကြီး၏ပုံတော်မြင်ကွင်းကဖျောက်ဖျက်မရတော့။ နေ့လည်ထမင်းစားပြီးသည်နှင့်သားလေးကိုခေါ်ကာရွှေတိဂုံဘုရားသို့ထွက်လာခဲ့သည်။ သူမခင်ပွန်းအပြင်သွားခိုက်ဖြစ်၍အိမ်တံခါးကိုပိတ်ထားခဲ့သည်။ ဖြစ်လိုရာဖြစ်စေတော့နောက်ပြဿနာနောက် မှကြည့်ရှင်းတော့မည်။ အိမ်မက်ထဲကအတိုင်းပါပဲစေတီတော်မြတ်ကြီးကဆည်းလည်းသံကလုံကလင်များဖြင့်နွေးထွေးစွာကြိုဆိုလျှက် ရှိ၏။ဤစေတီတော်မြတ်ကြီးအားသူမတသက်တာဖူးခွင့်မရတော့ဟုထင်မှတ်ထားခဲ့ရာယခုတော့စွန့်စွန့် စားစားဖူးမြင်ခွင့်ရလိုက်သောကြောင့်စိတ်ကြည်နူးချမ်းမြေ့မှုအပြည့်ဖြင့်အားပါးတရရှိခိုးပူဇော်လိုက်သည်။ သို့တိုင်အောင်ဖူးမြင်၍မ၀နိုင်အောင်ရှိလှ၏။

"အမား...ဘာလုပ်နေတာလဲဟင်" အနီးတွင်ထိုင်နေသောသားလေးကသူမအားနားမလည်ဟန်ဖြင့်မေးလိုက်သည်။

"သြော်--သားသား--အမားဘုရားရှိခိုးနေတာလေ။ဟောဟိုမှာတွေ့လား။အဲဒါသားသားတို့ဘုရားကြီးပေါ့။
သားသားလည်းရှိခိုးရမယ်နော်"။

သားလေးကိုသူမရင်ခွင်ထဲထိုင်စေလိုက်သည်။လက်နှစ်ဖက်ကိုလက်အုပ်ချီပုံစံပြုစေ၍နဖူးထက်တွင်တင်
ပေးရင်း စေတီတော်မြတ်ကြီးရှိရာသို့ဦးတိုက်ထားလိုက်သည်။

"သားသားလိုက်ဆိုစမ်း အမားဆိုသလိုလိုက်ဆိုစမ်း
..........
..ဗုဒ္ဓံ သရဏံ ဂစ္ဆာမိ.......၊
ဓမံ္မ သရဏံဂစ္ဆာမိ....၊


သံဃံသရဏံဂစ္ဆာမိ။


သားလေးကိုတိုင်ပေးရင်းသူမရောသားလေးပါသရဏဂုံဆောက်တည်ပြီးဖြစ်သည်ဟုမှတ်ယူလိုက်သည်။

..............**------**-----xxxxxxxx-----****-----****.............

ဘုရားကပြန်လာပြီးနောက်တနေ့မှာပင်သူမခင်ပွန်းကဆန့်ကျင်ဘက်ဖြစ်လွန်းသောစကားတစ်ခွန်းဖြင့် တိုင်ပင်ခဲ့ပါသည်။

"ချို-သားလေးကိုကိုဝတ်ကျောင်းခေါ်သွားအုံးမယ်"
"အို-သားလေးက..အခုမှလေးနှစ်ကျော်ရုံလေးရှိသေးတာငယ်ပါသေးတယ်။အစ်ကိုရယ်ဖြည်းဖြည်းမှခေါ်တာ
ပေါ့။"
"ကို..ဆရာတစ်ယောက်နဲ့တိုင်ပင်ပြီးပြီခေါ်သွားမှဖြစ်တော့မယ်။"

ဆန္ဒ၏နောက်မှာအာဏာတို့ရောစွက်နေသောသူမခင်ပွန်း၏စကားလုံးများကိုသူမတော်လှန်တားမြစ်နိုင်စွမ်း မရှိခဲ့ပါ။

.....................**.......................**.....................*...................*.....................*............

သူမခင်ပွန်းနှင့်သားလေးတို့ထွက်သွားပြီးတစ်နာရီခန့်အကြာမှာသူမအမည်ကိုအရေးတကြီးခေါ်သံကြားလိုက် ရသည်။

"မချို-----မချို----မချို"
"ဟဲ့----အီမန်ဘာလို့ဒီလောက်အရေးတကြီးခေါ်နေရတာလဲ" " အစ်မယောက်ျားမှာသွားတယ် .. ၀တ်ကျောင်းကအပြန်အစ်မတို့ကလေးကားတိုက်ခံရလို့..အဲဒါ ဆေးရုံကိုအမြန်လိုက်ခဲ့ပါတဲ့" "ဘာ..သားလေးကားတိုက်ခံရလို့"

သူမရင်ထဲမီးစနှင့်ထိုးသွင်းခံရသကဲ့သို့ခံစားလိုက်ရသည်။ရပ်ထားသောကြမ်းပြင်နေရာသည်ဦးစိုက်ကျွမ်းပြန် ဖြစ်သွားသည်ဟုမှတ်ထင်လိုက်ရသည်။ဆေးရုံကိုအမြန်ဆုံးလိုက်သွားလိုက်သည်။ ရုပ်ပျက်ဆင်းပျက်ဖြစ်နေသောသားလေးအလောင်းကိုတွေ့လိုက်တော့သူမရင်ထဲဆို့နင့်သွားသည်။ သားလေးအားကြီးစွာသောသနားခြင်း နှင့်အတူလက်လွတ်ဆုံးရှုံးလိုက်ရပြီဟူသော အသိကြောင့်နှလုံးသားသည်တဆက်ဆက်တုန်နေ၏။ငိုရှိုက် လိုက်သည့်တိုင်ရင်ဝ၌တစ်ဆို့နေသောကြောင့် အသံထွက်မလာတော့။ သားလေးအားသဂြိုလ်ပြီးစီးသည့်နေ့မှာပင်သူမခင်ပွန်းက ပဟေဠိဆန်သောမေးခွန်းတစ်ခုကိုမေးလာသည်။

"ချို--ကိုယ်တို့သားလေးဆုံးရတာ ဘာကြောင့်လဲသိလား"
"သိတယ်လေ--ရှင့်ကြောင့်ပေါ့။ ရှင်ဝတ်ကျောင်းခေါ်သွားလို့ပေါ့။ ကျွန်မခေါ်မသွားနဲ့အုံးလို့ တားပါလျှက်နဲ့ ဇွတ်အတင်းခေါ်သွားတယ်။ ရှင့်ကြောင့်ကျွန်မသားသေရတာလေ။"


သားလေးအတွက်ခံစားခဲ့ရသောနာကျင်မှုနှင့်ဒေါသတို့ရောစွက်နေသည်ကြောင့်သူမကြမ်းတမ်းစွာပြောဆို
ပစ်လိုက်သည်။

"အေးငါလည်းအဓိကတရားခံဘယ်သူလည်းဆိုတာသိစေချင်လို့မင်းကိုမေးတာ။
သားလေးမဆုံးခင်နေ့ကအပြင်သွားတဲ့ကိစ္စအိမ်နီးချင်းတွေပြောလို့ငါအားလုံးသိပြီးပြီ။
သားလေးကိုမင်းတို့ဘုရားခေါ်မသွားခဲ့ရင်ငါလည်းဝတ်ကျောင်းပို့ဖို့အလောတကြီးစီစဉ်မှာမဟုတ်ဘူး။ သားလေးဆုံးစရာအကြောင်းမရှိဘူး။သားလေးဆုံးရခြင်းရဲ့အဓိကတရားခံက..မင်းကွ..။မင်းသိရဲလား။"

"အို--ရှင်မဆိုင်တဲ့ကိစ္စကိုလာပြီးမစွပ်စွဲပါနဲ့အမေတစ်ယောက်ကသူ့သားတစ်ယောက်ကိုသူတို့ဘုရား ခေါ်သွားတာအပြစ်ပြောစရာမဟုတ်ဘူး။ဒါဘာထူးဆန်းလဲ"
"အေးသူများတွေအတွက်မထူးဆန်းပေမယ့်မင်းအတွက်ထူးဆန်းတယ်ကွ မင်းကိုယ်မင်းပြန်မေးကြည့်စမ်း။ ဘာ--ဘာသာဝင်လဲဆိုတာ"။


သူမရယ်သွမ်းသွေးရင်းပြန်လည်ချေပလိုက်သည်။

"ဟင်း--ဟင်း--ဟင်းကျွန်မလားဗုဒ္ဓဘာသာဝင်လေ။ကျွန်မရွှေတိဂုံဘုရားကြီးဆီမှာသရဏဂုံဆောက်တည်ပြီး သွားပြီအခုကျွန်မဗုဒ္ဓဘာသာဝင်ဖြစ်နေပြီလေ"

"ဘာ---ဘာပြောတယ်။မင်းစော်ကားတယ်ပေါ့။ ငါတို့ဘာသာထဲဝင်ပြီးတခြားဘာသာပြန်ပြောင်းတယ်ပေါ့"
"စော်ကားတာမဟုတ်ဘူး။ကျွန်မရဲ့ကိုယ်ပိုင်အခွင့်အရေးကိုကျွန်မဘာသာဖန်တီးယူတာ။အခုကျွန်မမှာ သားလေးလဲမရှိတော့ဘူး။ ဘာမှငှဲ့ကွက်စရာအကြောင်းမရှိတော့ဘူး။ဒီတော့ရှင့်ကိုဆက်ပြီးမပေါင်းနိုင်တော့ ဘူး။ကျွန်မရဲ့အခွင့်အရေးတွေကိုကျွန်မဆက်ပြီးအဆုံးအရှုံးမခံနိုင်တော့ဘူး"
"အေး--ဒါဆိုရင်ကောင်းပြီလေ အိမ်မှာရှိတဲ့ပစ္စည်းကိုတော့မင်းဘာတစ်ခုမှရလိမ့်မယ်မထင်နဲ့ မင်းကြိုက်တဲ့ နေရာသွားနိုင်တယ်"။

သူမအ၀တ်အစားများကိုအိမ်ထောင်ကျစဉ်ကယူလာခဲ့သောအိတ်ဖြင့်ထည့်၍သင်္ဘောဆိပ်သို့ထွက်လာခဲ့ သည်။သူမအတွက်ရှေ့ဆက်ပြီးလုပ်ရမည့်အလုပ်နှင့်သွားရမည့်နေရာအတွက်ဆုံးဖြတ်ချက်တစ်ခုကိုခိုင်မာ စွာချလိုက်သည်။ခရီးသည်များနားနေခန်းသို့ဝင်၍စာတစ်စောင်ရေးလိုက်သည်။

......xxxxxxx...............xxxxxx.............xxxxxx............

""အေးမာ၊မဆွေ၊ခင်မိုး။ ငါစာရေးလိုက်ပါတယ်။နင်တို့ဒီစာကိုဖက်နေတဲ့အချိန်မှာငါဟာမချိုအဖြစ်နဲ့မဟုတ်တော့ပဲလောကီကိုစွန့်ခွာ သွားတဲသီလရှင်တစ်ပါးဖြစ်နေပါပြီ။ငါလေတို့ငယ်ငယ်ကနုတ်တိုက်ကျက်ခဲ့ဘူးတဲ့သားသမီးကျင့်ဝတ်ငါးပါး
လင်္ကာထဲက"စောင့်လေမျိုးနွယ်"ဆိုတဲ့စာကြောင်းလေးကိုမိုက်မဲစွာလျစ်လျူရှုခဲ့မိတယ်။ဒါကြောင့်၏ ငါဟာ.. ဘာသာလဲဆုံး၊သားလဲဆုံး၊ဘ၀လည်းဆုံးခဲ့ရတယ်။အမျိုးအနွယ်ကိုစောင်ရှောက်ဘို့တာဝန်ပျက်ကွက် သူ၊ဒို့ရဲ့ချစ်စရာကျေးလက်စရိုက်တွေနဲ့ဝေးကွာသူလည်းဖြစ်ခဲ့ရတယ်။နင်တို့နဲ့အတူတခြားဒို့ရဲ့သူငယ်ချင်း တွေကိုငါ့လိုအဖြစ်မျိုးမကြုံရအောင်ငါ့ဘ၀ကိုသင်ခန်းစာယူပြီးအိမ်ထောင်ပြူမမှားကြပါနဲ့လို့ငါသတိပေး တိုက်တွန်းလိုက်ပါတယ်"။

နင်တို့ရဲ့သူငယ်ချင်း

မချို

...........xxxx..............xxxxx.................xxxxx................xxx....

စာအိတ်ကိုပိတ်၍ဧရာဝတီသင်္ဘောစာရေးကြီးအားသူမတို့ရွာသို့ပေးဘို့ရန်မှာကြားလိုက်သည်။ဤစာသည် ဆုံးရှုံးခံဘ၀ဖြင့်ရင်း၍ရခဲ့သောသူမ၏နောင်တဝေဒနာများအတွက်သူမတက်နိုင်သောအစားထိုးကုသမှုဟု ခံယူလိုက်သည်။

သင်္ဘောများဥဒဟိုသွားလာနေသောရန်ကုန်မြစ်ပြင်ကြီးကိုကျောခိုင်းလိုက်သည်။သူမရင်ထဲမှာအိမ်ထောင်ရေး နောင်တများ၊ဘ၀သင်ခန်းစာများ၊လောကီသံဝေဂများ၊ပွေ့ပိုက်ထည့်သွင်းလျှက်သူမ၏ခြေလှမ်းများက သီလရှင်များနေသော ကျောင်းတိုက်ဆီသို့တရွေ့ရွေ့။ တရွေ့ရွေ့။ ။ ။

ပြီးပါပြီ...။ ။
ကျေးဇူးတင်ပါသည်။

ဂန္ထလုလင်(ဘိုကလေး)

ဲ ပြဿနာ

အဲဒီညနေကလဲ ပြဿနာအထွေးအရှုပ်တွေနဲ့ဝင်္ကပါတောင်မှာကျွန်တော်ထိုင်နေတာပေါ့ဗျာ၊စေတီကလေးဆီ
ကဆွဲလည်းသံတစ်ခုကထူးထူးခြားခြားအသံသာနေတာကိုလည်းသတိထားမိပါတယ်။
တစ်ခါတစ်ခါတိုးဝင်လာတဲ့လေကကျွန်တော့်ဆံပင်တွေကိုဖွကျဲသွားကြတယ်။
နေစောင်းသွားပြီဖြစ်လို့ပြန်ဖို့ကျွန်တော်ထလိုက်မယ်အလုပ်မှာလူတစ်ယောက်ကျွန်တော့်ရှေ့လာရပ်တယ်ဗျ။
မော်ကြည့်လိုက်တော့ကြည်လင်သန့်ရှင်းတဲ့သူမျက်နှာမှာပြုံးယောင်သန်းနေတယ်။သူ့အသက်က
ခြောက်ဆယ်ဝန်းကျင်လောက်ရှိရော့မယ်။သူကကျွန်တော်ကို......
“မောင်ရင်ဒီမှာလာထိုင်တာသုံးရက်ရှိပြီ”တဲ့။
ကျွန်တော်လည်းဘာပြန်ပြောရမှန်းမသိတာနဲ့ခေါင်းကိုညိတ်ပြလိုက်တယ်၊သူကဆက်ပြီးဆိုပြန်ပါတယ်။
“မောင်ရင်ဒီမှာအပျင်းပြေလာထိုင်တာတော့ဟုတ်ပုံမရဘူး”
ကျွန်တော်ကသူ့ကိုငေးကြည့်တယ်။သူ့ကိုအံသြတာလဲပါတာပေါ့၊သူကကျွန်တော်စိတ်ထဲမှာဖြစ်နေတာတွေ
ကိုသိနေတဲ့အမူအရာမျိုးနဲ့.....
“လူ့လောကမှာပြဿနာတွေရှိတာပေါ့၊လူတစ်ယောက်ကမိုးရွာထဲမှာထီးဆောင်းပြီးသွားပြီးတွေးမိတယ်ဆိုပဲ
“မိုးဟာအပေါ်ကရွာပေလို့သာပဲ၊အောက်ကများရွာရင်ဘယ်လိုထီးဆောင်းသွားရပါမလဲ”လို့။ဒီအတွေးနဲ့
သူဟာအောက်ကရွာမယ့်မိုးကိုထီးဆောင်းရေးပြဿနာဖြစ်နေတယ်။ဒါ--တကယ်တော့ပြဿနာမှမဟုတ်တာ
ပြဿနာမဟုတ်တာကိုပြဿနာလုပ်နေရင်ကိုယ်ပင်ပန်းစိတ်ပင်ပန်းဖြစ်ရတက်တာပဲ။လူတွေဟာ
“ပြဿနာအတု”ကို“ပြဿနာအစစ်”ထင်ပြီးပင်ပင်ပန်းပန်းဖြေရှင်းနေတက်ကြတယ်။ဒီမယ်မောင်ရင်
ပြဿနာမဟုတ်တာကိုပြဿနာမဟုတ်ဘူးလို့သိရင်ပြဿနာဟာပြေလည်သွားတာပဲ”
သူနဲ့ကျွန်တော်ဝင်္ကပါတောင်ကဆင်းလာခဲ့ကြပါတယ်။
အဆင်းဖြစ်လို့၊ဒါမှမဟုတ်ပြဿနာတွေလျော့ချခဲ့လို့ထင်ပါရဲ့။ကျွန်တော့်မှာပေါ့ပါးသွက်လက်လွတ်လပ်
နေတာတော့အမှန်ပဲ၊ဆင်းလာရင်းသူက.....

“တစ်ခါတုန်းကဖားပြုတ်တစ်ကောင်ကကင်းခြေများတစ်ကောင်ကိုကြည့်ပြီးပြဿနာဖြစ်နေတယ်တဲ့
မောင်ရင်ရဲ့၊“ကင်းခြေများရဲ့ခြေထောက်တွေကသိပ်များတာပဲ။ခြေတွေသိပ်များတော့သွားရင်
ဘယ်ခြေထောက်ကစပြီးလှမ်းပါလိမ့်”လို့ဖားပြုတ်မှာပြဿနာအကြီးအကျယ်ဖြစ်နေတယ်။ဒီလိုပြဿနာ
ဖြစ်ပြီးသူကိုယ်တိုင်တောင်ဘယ်လိုစလှမ်းရမှန်းမသိဖြစ်နေတယ်တဲ့မောင်ရင်ရဲ့၊ပြဿနာမဟုတ်တာကို
ပြဿနာလုပ်နေတော့လှမ်းလို့ရပါလျက်နဲ့မလှမ်းမိ၊ခုန်လို့ရပါလျက်နဲ့မခုန်မိနဲ့လိုရာကိုမရောက်တော့
ဘူးပေါ့။ပြဿနာတစ်ခုဟာစစ်မှန်တဲ့ပြဿနာဖြစ်တယ်ဆိုရင်တော့ရှောင်နေလို့လဲမရဘူး၊ဖြေရှင်းပစ်ရမှာပဲ
ပြဿနာဆိုတာဖြေရှင်းရမယ့်အရာဆိုတော့ဖြေရှင်းလိုက်ပေါ့မောင်ရင်ရယ်”

သူကကျွန်တော်ကိုနုတ်ဆက်ပြီးတော့“ခေမာသီဝံ”ဘက်သွားတဲ့လူသွားလမ်းကလေးအတိုင်းလျှောက်
သွားပါတယ်။သူသွားပုံကဘာမှပြဿနာမရှိတဲ့သူအဖြစ်သွားနေသလိုပါပဲ။သူသွားတဲ့အရပ်ဟာလည်းဘာ
ပြဿနာမှမရှိတဲ့အရပ်ဖြစ်ပါလိမ့်မယ်။

သူ့ကျေးဇူးတွေကို ကျွန်တော်တစ်သက် မမေ့ပါဘူး၊ မမေ့နိုင်ပါဘူးဗျာ။
ဝန်ခံချက်။ ။ဝင်္ကပါတောင်မှလာခဲ့သူ၏ပြန်လည်ပြောပြချက်ဖြစ်ပါသည်။
(နန္ဒာသိန်းဇံ..စာအုပ်မှထုတ်နုတ်ဖော်ပြပါသည်။)

ဒေါင်းမင်း