ယခုလိုလာလည်တဲ့အတွက် ကျေးဇူး တင်ပါတယ်။
တမှုန့်မြေလွှာ၊ တစ်လွှာပန်းခြောက်၊တပေါက်ရေစက်၊ငါတို့လက်မှရန်သူရလျှင်၊ မြန်မာ့သမိုင်းရိုင်းတော့မည်။

Wednesday, February 8, 2012

အရိုင်းပန်းတစ်ပွင့်ပြောင်းလဲခြင်း


မလ္လာတိုင်း၏ မြင်ကွင်းအစုံက၊ကြည်နူးစရာအတိရယ်ပါ....။တဖက်မှာ မြတ်ဗုဒ္ဓနှင့်သံဃာတော်များစီးတန်း
ကြွလာသည့်မြင်ကွင်း၊အခြားတဖက်မှာက..အရောင်အသွေးစုံလင်လှသောလူထုပရိတ်သတ်ကြီး၊ထိုပရိတ်သတ်
လူထုကြီးသည်၊ကိုယ်စီကိုယ်စီလက်အုပ်များချီမိုးကာ.လက်အုပ်ကြား၌ပန်းခိုင်များညှပ်လျှက်၊မြတ်ဗုဒ္ဓနှင့်
သံဃာတော်များအား ဖူးမြော်ကြိုဆိုနေကျခြင်းဖြစ်သည်။

မြတ်ဗုဒ္ဓသည် ရာဇမတ်ကွက်များအတွင်း၊သဲဖြူခင်းထားသောလမ်းအတိုင်း မနှေးမလျင်ကြွလှမ်းတော်မူလျက်
ရှိပါသည်။မြတ်ဗုဒ္ဓ၏ နောက်တော်ပါးမှာ အနီးကပ်လိုက်ပါလာသည့်အရှင်မြတ်ကား..ပစ္ဆာသာမဏ
အရှင်အာနန္ဒာဖြစ်လေသည်။

အရှင်အာနန္ဒာသည် မြတ်ဗုဒ္ဓနောက်တော်မှလိုက်ပါရင်း၊လူထုပရိတ်သတ်ထဲမှခေါင်းထောင်ကာလှမ်းကြည့်
နေသူတစ်ယောက်ကိုအမှတ်မထင်တွေ့လိုက်ရာ၊ရင်းရင်းနှီးနှီး နှုတ်ဆက်လိုက်၏။
“ဟာ....ရောဇကြီးပါလား။ရောဇရေ..အသင့်ကိုတွေ့ရတာငါဝမ်းသာတယ်ဟေ့။ဘုရားနဲ့သံဃာကြိုတဲ့ထဲ..
သင်ပါလာတယ်ဆိုတော့။ဟိုးတုန်းကလိုမဟုတ်တော့ဘူးပေါ့။ရတနာသုံးပါးကြည်ညိုတက်လာပြီဆိုတော့၊
မင်းအတွက်ငါအားရလိုက်တာကွယ်။ကဲ...ကဲ...ငါတည်းတဲ့ကျောင်းကိုလည်း..လာခဲ့အုံးကွဲ့”
အရှင်အာနန္ဒာသည်နှုတ်ဆက်စကားကိုဝမ်းမြောက်ဝမ်းသာဆိုရင်း၊ဘုရားရှင်နောက်သို့လိုက်ပါကြွလှမ်းသွား
လေသည်။သူနှုတ်ဆက်ခဲ့သောရောဇ၏မျက်နှာအမူအရာတင်းမာပြောင်းလဲသွားသည်ကိုမူမသိလိုက်တော့ပေ။
“ဟင်း..အာနန္ဒာကတော့တလွဲထင်သွားပြီ။သင်တို့ကိုမကြိုရင်ဒဏ်ငွေငါးရာဆောင်ရမယ်ဆိုလို့၊ဒဏ်ထိမှာ
ကြောက်ပြီးလာကြိုကာမှ၊ရတနာသုံးပါးကြည်ညိုတက်လာပြီလို့အပြောခံရတယ်။“တောက်”...။
ခံပြင်းစရာကောင်းလိုက်တာနော်။မဖြစ်ဘူး..မဖြစ်ဘူး..၊ဒီကိစ္စ အာနန္ဒာဆီသွားရှင်းမှကိုဖြစ်မယ်”
ရောဇနှင့်အာနန္ဒာတို့သည်တချိန်က တက္ကသိုလ်ပြည် ပညာသင်ဘက်များဖြစ်ခဲ့ကြသည်။ရောဇကစိတ်ကြမ်း
ကိုယ်ကြမ်းဖြင့်၊အမျက်မာန်ခက်ထန်သူ။အာနန္ဒာကနူးနူးညံ့ညံ့ဖြင့်သည်းခံခြင်းစိတ်နှလုံးရှိသူ။စိတ်ကြမ်း
ကိုယ်ကြမ်းသမားရောဇသည်။မည်သူနှင့်မျှအပေါင်းအဖော်လုပ်၍မရဘဲ၊သည်းခံတက်သောအာနန္ဒာနှင့်သာ
အဆင်ပြေစွာပေါင်းဖော်၍ရလေသည်။ထို့ကြောင့်သူကအာနန္ဒာကိုချစ်ခင်သည်။အာနန္ဒာကလည်းသူ့အပေါ်
သံယောဇဉ်ရှိပါသည်။
ပညာသင်ပြီး၍မိမိတို့တိုင်းပြည်သို့အသီးသီးပြန်ရောက်ကျသောအခါ၊အာနန္ဒာကသာသနာ့ဘောင်ဝင်၍
ရဟန်းပြုဖြစ့်ခဲ့သည်။မလ္လာမင်းသားရောဇကတော့ကုန်သည်အလုပ်သာလုပ်ကိုင်နေခဲ့သည်။ယခုနှစ်ပေါင်း
များစွာကွဲကွာနေသောသူငယ်ချင်းနှစ်ယောက်ပြန်လည်ဆုံတွေ့ကြရာ၊အရှင်အာနန္ဒာကရောဇ၏စိတ်သဘော
ထားပြောင်းလဲနူးညံ့သွားပြီအထင်ဖြင့်၊၀မ်းပမ်းတသာနှုတ်ဆက်လိုက်ခြင်းဖြစ်၏။

သို့သော်...အရှင်အာနန္ဒာ၏ထိုနှုတ်ဆက်စကားသည်မလ္လာမင်းသားရောဇ၏ရင်ထဲဝယ်သစ်မျက်စတစ်ခု
ထိုးသွင်းလိုက်သကဲ့သို့ခံစားလိုက်ရသည်။ထို့ကြောင့်လူထုပရိတ်သတ်စဲသည်နှင့်ရောဇသည် အရှင်အာနန္ဒာ
ရှိရာကျောင်းတော်ဆီသို့ခပ်သုတ်သုတ်လျှောက်လှမ်းလာခဲ့တော့၏။
******
“ဟာ...ရောဇ၊လာကွယ်...လာ..။မင်းစိတ်ထားတွေပြောင်းပြီရတနာသုံးပါးကြည်ညိုလာတာငါဖြင့်ဝမ်းလည်း
သာတယ်၊အံ့လည်းအံ့သြတယ်ကွယ့်။ကဲကဲအထဲဝင်ထိုင်လေကွယ်။ဘယ်နှယ့်ကျောင်းတံခါးဝမှာမတ်တပ်ကြီး
ရပ်နေတာလဲ”
“မ၀င်ဘူးအာနန္ဒာကျုပ်အသင့်ဆီကိုအေးအေးဆေးဆေးစကားပြောဖို့လာတာမဟုတ်ဘူး။ကျုပ်ကရတနာ
သုံးပါးကြည်ညိုလာတယ်ဆိုတဲ့ကိစ္စရှင်းဖို့လာတာ”
“အေးလေ...အဲဒါမမှန်ဘူးလား။ကြည်ညိုလို့ပဲအသင်ကပန်းခတ်တွေကိုင်လက်အုပ်ချီမိုးပြီးအကျအနလာပြီး
ကြိုဆိုနေတာမဟုတ်ဘူးလား”
ရောဇသည်ချက်ချင်းပင်လက်နှစ်ဖက်ကိုကာ၍အကြောက်အကန်ငြင်းလိုက်သည်။
“ဟာ...မဟုတ်ဘူး အာနန္ဒာ..မဟုတ်ဘူးအသင်တို့ကိုမကြိုရင်ဒဏ်ငွေငါးရာဆောင်ရမယ်ဆိုပြီးမလ္လာမင်းတွေ
ကတတိုင်းပြည်လုံးအမိန့်ထုတ်ထားလို့၊ကျုပ်လာကြိုတာ။ကြည်ညိုလို့လာကြိုတာမဟုတ်ဘူး။အသင်တို့
ဘုရားရော၊သင်တို့သံဃာဆိုတဲ့ပုဂ္ဂိုလ်တွေရော၊ကျုပ်ဘယ်တုန်းကမှမကြည်ညိုခဲ့ဘူး။အခုလည်းမကြည်ညို
ဘူး၊နောင်လည်းကြည်ညိုလိမ့်မယ်မထင်နဲ့။အဲဒီလိုမကြည်ညိုနိုင်တဲ့ကျုပ်ကို၊ရတနာသုံးပါးကြည်ညိုတယ်ဆို
တဲ့စကားနောက်ဘယ်တော့မှမပြောပါနဲ့”
ရောဇသည်ခက်ထန်မောက်မာစွာပြောဆိုပြီးနောက်၊ရှင်အာနန္ဒာ၏စကားတုံ့လှည့်ကိုပင်နားမထောင်တော့ပဲ၊
ခြေလှမ်းကိုကြမ်းတမ်းစွာဆောင့်နင်း၍ထွက်ခွာသွားလေသည်။အရှင်အာနန္ဒာသည်.ရောဇ၏ကျောပြင်ကိုငေး
ကြည့်ရင်း.....................
“သြော်.....ရောဇရယ်....၊မင်းရဲ့ကြမ်းတမ်းခက်ထန်တဲ့ စိတ်ဓါတ်ဟာမပြောင်းလဲသေးပါလား။မင်းရဲ့ဒီ
စိတ်ဓါတ်တွေနူးညံ့သွားအောင်၊ငါဘယ်လိုများကူညီရပါမလဲ”
တီးတိုးရေရွတ်မိခြင်းနှင့်အတူ၊မြတ်ဗုဒ္ဓကိုသတိရမိသည်နှင့်တပြိုင်နက်၊အရှင်အာနန္ဒာသည်ဂန္ဓကုဋီတိုက်ဆီ
သို့လျှောက်လှမ်းလာခဲ့တော့သည်။

“မြတ်စွာဘုရားရှင်ကိုယ်တော်မြတ်ဘုရား။တပည့်တော်ရဲ့သူငယ်ချင်းရောဇဟာဒေါသမာန်မာနခက်ထန်လွန်း လှပါတယ်ဘုရား။ဒါကြောင့်သူရဲ့စိတ်နှလုံးနူးညံ့သွားအောင်၊အရှင်ဘုရားစွမ်းနိုင်သောဘက်ကဆောင်ရွက်
ပေးတော်မူပါဘုရား”
အရှင်အာနန္ဒာသည်ဆက်လက်၍၊ယနေ့ရောဇနှင့်တွေ့ကြုံခဲ့ပုံအလုံးစုံကိုလျှောက်ထားလိုက်သည်။
“ကောင်းပြီ၊ချစ်သား အာနန္ဒာ....။သင့်ရဲ့သူငယ်ချင်းရောဇစိတ်နှလုံးနူးညံ့သွားအောင်၊ငါဘုရားဆောင်ရွက်
လိုက်ပါမယ်”
စင်စစ်ရောဇသည်..ယနေ့ပင်တရားထူးသိမြင်မည့်ပဂ္ဂိုလ်အဖြစ်၊နံနက်စောစောကပင်၊မြတ်ဗုဒ္ဓ၏ဥာဏ်တော်
ကွန်ယက်အတွင်းသို့ဝင်လာခဲ့ပြီဖြစ်သည်။
အရှင်အာနန္ဒာထွက်သွားသည်နှင့်မြတ်ဗုဒ္ဓသည် အနန္တစကြာဝဠာအတွင်းသို့ပို့လွတ်ထားသောမေတ္တာဓါတ်
အလုံးစုံကိုရောဇတစ်ဦးတည်းထံသို့စုစည်းပို့လွတ်လိုက်သည်။ပမာအားဖြင့်ကျယ်ပြန့်စွာထွန်းလင်းနိုင်သော
နေ၏အလင်းရောင်ကို၊တနေရာတည်း၌စုစည်းထွန်းလင်းစေလိုက်သကဲ့သို့ဖြစ်လေသည်။

ကျောင်းတိုက်အာရာမ်အတွင်းမှထွက်ခွာသွား၍မကြာမြင့်မီကပင်ရောဇတစ်ယောက်နောက်တစ်ခေါက်ပြန်
ရောက်လာခဲ့သည်။ကိုယ်အမူအရာသည် အမိနှင့်ကြာမြင့်စွာကွဲကွာနေသောနွားပေါက်ကလေးကဲ့သို့
ပျာယာခတ်လျက်ရှိသည်။ပါးစပ်မှလည်းတတွတ်တွတ်မြည်တမ်းလျက်။
“အရှင်ဘုရားတို့....။မြတ်စွာဘုရားဘယ်မှာပါလဲဘုရား။ဘုရားရှင်ဘယ်မှာသီတင်းသုံးနေပါသလဲဘုရား။
မြတ်စွာဘုရားသီတင်းသုံးနေတဲ့နေရာကိုညွှန်ပြတော်မူပါဘုရား”
တိတ်ဆိတ်နေသောကျောင်းအာရာမ်သည်ရောဇ၏အသံကြောင့်လှုပ်လှုပ်ရွရွဖြစ်ကုန်၏။ရဟန်းတော်အချို့
ကျောင်းဆောင်အသီးသီးမှထွက်လာကြပြီးအချင်းချင်းမေးမြန်းကြလေသည်။
“ဟာ...ကျောင်းအာရာမ်ထဲမှာဒကာတစ်ယောက်မြတ်စွာဘုရားကိုဖူးမြင်ချင်လို့ဆိုပါလား။ဘယ်ကများလဲ
ဟေ့”
“အဲဒါအရှင်အာနန္ဒာရဲ့ငယ်သူငယ်ချင်းကြီးရောဇဆိုတာပေါ့။စိတ်ကြမ်းလူကြမ်းနဲ့အင်မတန်ခက်ထန်ကြမ်း
တမ်းတဲ့လူကြီးလေ။ခုတင်ကတောင်အရှင်အာနန္ဒာနဲ့စကားပြောသံကြားလိုက်ပါသေးတယ်။ရတနာသုံးပါး
ကိုဘယ်တော့မှမကြည်ညိုနိုင်ဘူးတဲ့လေ။အခုမှဘယ်လိုဖြစ်ပြီးဘုရားရှင်ကိုဖူးချင်နေတယ်မသိဘူး”
“ဒါဆိုသူ့ကို အရှင်အာနန္ဒာဆီပို့ပေးလိုက်ကြဟေ့။အရှင်အာနန္ဒာကြည့်ပြီးစီစဉ်ပေးလိမ့်မယ်”
ရောဇတစ်ယောက်ရေးကြီးသုတ်ပြာပုံစံနှင့်ရှင်အာနန္ဒာဆီပြန်ရောက်လာသည်။
“ဟာ..ရောဇ..ရောက်လာပြန်ပါလား”
“ဟုတ်တယ် အာနန္ဒာ။ကျုပ်ဘုရားဖူးချင်လို့ပြန်လာတာ။ကျုပ်ကိုဘုရားရှင်ဆီလိုက်ပို့ပေးပါ”
အရှင်အာနန္ဒာ၏မျက်နှာပေါ်တွင်အံ့သြသောအရိပ်အယောင်များပေါ်လွင်လျက်ရှိသည်။
“သေချာရဲ့လားရောဇရယ်...။ဟုတ်မှလဲလုပ်ပါ။သင်ခုမှဘာစိတ်ကူးတွေပေါက်လာရတာလဲ”
“ဟုတ်ပါတယ်အာနန္ဒာ။ကျုပ်ဘုရားရှင်ကိုသိပ်ပြီးဖူးမြော်ချင်နေတယ်။အခုချက်ချင်းပဲလိုက်ပို့ပေးပါ။”
“အေး။ဘုရားရှင်ကိုသိပ်ပြီးဖူးမြော်ချင်ရင်တော့ရနိုင်ပါတယ်။ဒါပေမယ့်ငါကတော့သင့်ကိုလိုက်မပို့နိုင်ဘူး။
ဒီအချိန်ဟာဘုရားရှင်တစ်ပါးတည်းကိန်းအောင်းတော်မူနေတဲ့အချိန်။ဒါကြောင့်သင်ဘာသာသင်သွားပေတော့
တစ်ခုတော့ရှိတယ်နော်...။သင့်လိုဒေါသကြီးတဲ့လူမျိုးဟာမဆင်မခြင်လုပ်တက်တယ်။လမ်းလျှောက်ရင်လဲ
ဆောင့်ဆောင့်ပြီးလျှောက်တက်တယ်။တံခါးဖွင့်ရင်လည်းတဒုန်းဒုန်းနဲ့အသံမြည်အောင်ဖွင့်တက်တယ်။
ဒါကြောင့်လမ်းလျှောက်တဲ့အခါသူများကုသိုလ်ယူထားတဲ့သဲဖြူလမ်းမှာ၊ခြေရာကြီးတွေမထင်ရအောင်၊
ဖြည်းဖြည်းလျှောက်ပါ။တံခါးကိုလဲလက်နဲ့သုံးချက်အသာလေးခေါက်ပါ။ဘုရားရှင်တံခါးဖွင့်တော်မူပါလိမ့်
မယ်။”
“ကောင်းပါပြီအာနန္ဒာရယ်။ကျုပ်သတိထားပါ့မယ်။ဘုရားရှင်ရှိရာကိုသာအမြန်ညွှန်ပြစမ်းပါ”
အရှင်အာနန္ဒာသည် ဘုရားရှင်၏ဂန္ဓကုဋီတိုက်နေရာကို၊ရောဇအားညွှန်ပြလိုက်သည်။ရောဇ၏အမူအရာပြောင်း
လဲသွားပုံကိုလည်းရိပ်စားနားလည်လိုက်သည်။
“အင်း..ဘုရားရှင်ဟာရောဇစိတ်နှလုံးတွေနူးညံ့သွားအောင်၊ဘယ်လိုဆောင်ရွက်ပေးလိုက်လဲမသိဘူး”
******
ဘုရားရှင်၏ဂန္ဓကုဋီတိုက်နားသို့ရောဇရောက်နေသည်မှာအချိန်အတော်ကြာသွားပေပြီ။တံခါးကိုမခေါက်ဖြစ်
သေးပါ။အမူအရာကကြောက်ရွံ့တွန့်ဆုတ်နေသည်။ပြီး......အလွန်လဲအားနာနေသည်။စောစောကပြောခဲ့
သောစကားများကများစွာလွန်ထားခဲ့သည်မလား။
“ကြည်ညိုလို့လာတာမဟုတ်ဘူး။သင်တို့ဘုရားရောသင်တို့သံဃာဆိုတဲ့ပုဂ္ဂိုလ်တွေရော၊ကျုပ်ဘယ်တုန်းက
မှမကြည်ညိုခဲ့ဘူး။သင်တို့ဘုရားရော၊သင်တို့သံဃာဆိုတဲ့ပုဂ္ဂိုလ်ဆိုတဲ့တွေရော၊ကျုပ်ဘယ်တုန်းကမှ
မကြည်ညိုဘူး။နောင်လဲကြည်ညိုလိမ့်မယ်မထင်နဲ့”
ရင့်သီးစွာပြောဖြစ်ခဲ့သောစကားလုံးများက၊မိမိနားထဲမှာတရစ်ဝဲ၀ဲပြန်လည်ကြားယောင်နေမိသည်။

ဘုရားရှင်အားဖူးမြော်ချင်သောဇောစိတ်ကြောင့်အမှတ်တမဲ့နင်းခဲ့သောခြေများကသဲဖြူလမ်းမပေါ်မှာ
ထင်ကျန်နေသည်။နောက်ထပ်ခြေရာထပ်မထင်စေရန်ဒူးထောက်၍ဖြေးညင်းစွာလမ်းကိုလိုက်ညှိပေးနေသည်။
ယခုတော့သူ၏စိတ်များသိသာစွာနူးညံ့ပြောင်းလဲနေပြီဖြစ်သည်။

သတိကြီးစွာထား၍ဂန္ဓာကုဋီတိုက်တံခါးကိုဖြည်းညင်းစွာသုံးချက်တိတိခေါက်လိုက်သည်။ဂန္ဓာကုဋီတိုက်တံခါး
အသာအယာပွင့်လာသည်။တံခါးချပ်အကြားမှထွန်းလင်းကွန်မြူးနေလျက်ရှိသောရောင်ခြည်တော်များက
သူ့ကိုဆီးကြိုလိုက်သည်။တွေ့မြင်လိုက်ရပါလေပြီ။သူလိုလားတောင့်တစွာဖူးတွေ့ချင်နေသောမြတ်ဗုဒ္ဓ၏
မျက်နှာတော်...။ချစ်လှစွာသောလူမမယ်သားအပေါ်မိခင်၏ကြည့်ခြင်းမျိုးဖြင့်မေတ္တာဓာတ်အပြည့်လွှမ်းခြုံ
သည့်မျက်နှာတော်.......။
သူ....တစ်ချက်မျှ မော်ဖူးလိုက်သည်။
ဆက်လက်၍မြတ်ဗုဒ္ဓ၏မျက်နှာတော်ကိုရင်ဆိုင်ဖို့ရန်၊သူ့မှာအင်အားမရှိတော့။
အလိုလိုကွေးညွှတ်လာသောဒူးများကိုကြမ်းပြင်ပေါ်သို့အလိုက်သင့်ထောက်ချလိုက်သည်။
ထို့နောက်မြတ်ဗုဒ္ဓ၏ခြေဖမိုးတော်နှစ်ဖက်ပေါ်သို့သူ၏နဖူးပြင်ကိုထိကပ်ဦးတိုက်ထားလိုက်သည်။
ဝန်းကျင်တခုလုံးတိတ်ဆိတ်လျက်ရှိ၏။
အချိန်သည် ကာလအခိုက်အတန့်တခုကို၊သာကျော်ဖြတ်လျက်ရှိသည်။

ငြိမ်သက်စွာရပ်တော်မူနေသောမြတ်ဗုဒ္ဓ၏ ခြေမျက်စိတော်နှစ်ဖက်ကိုသူ၏လက်များဖြင့်ထပ်ကာထပ်ကာ
ဆုပ်ကိုင်လျက်အကြိမ်ကြိမ်ဦးတိုက်လိုက်သည်။
အားရအောင်ပူဇော်ပြီးလျှင်တုန်ရီဆို့နစ်သောအသံဖြင့်တောင်းပန်စကားကိုသူလျှောက်တင်လိုက်သည်။
“မြတ်စွာဘုရားရှင်ကိုယ်တော်မြတ်ဘုရား။တပည့်တော်မိုက်မဲတွေဝေခဲ့သည့်အလျောက်၊မသိမလိမ္မာခဲ့
သည့်အလျောက်၊အပြစ်ကိုလွန်ကျူးမိပါသည်ဘုရား။ထိုအပြစ်များသည်းခံခွင့်လွတ်ပါစေအကျိုးငှာ
တောင်းပန်ဝန်ချကန်တော့ပါသည်ဘုရား”
“ချစ်သားရောဇ။အပြစ်ကိုအပြစ်လို့သိတဲ့သူဟာ၊တစ်ဝက်လိမ္မာသွားတာပဲ။အပြစ်ကိုဝန်ချတောင်းပန်လိုက်
ရင်တော့၊အလုံးစုံလိမ္မာတဲ့သူဖြစ်သွားပါပြီ”
နှလုံးသားထဲသို့ကြည်နူးစွာစီးဝင်သွားသော..မဟာကရုဏာအသံတော်။လေးလံသောဝန်ထုတ်ကြီးကို
လက်လွှတ်လိုက်ရသကဲ့သို့ခန္ဓာကိုယ်တစ်ခုလုံးပေါ့ပါးလန်းဆန်းသွားသည်။
ရောဇအတွက်သစ္စာလေးပါးတရားကိုဟောကြားရန်အချိန်တန်ပြီကိုမြတ်ဗုဒ္ဓသိတော်မူလိုက်ပေပြီ။
ယင်းကြောင့်ဒါနကထာ၊သီလကထာ၊သဂ္ဂကထာ၊မဂ္ဂကထာတရားဒေသနာတော်တို့ကိုတဆင့်ခြင်းဟော
ကြားတော်မူလိုက်သည်။
ခြေဖမိုးတော်ပေါ်၌နဖူးတင်လျက်နှင့်ပင်ရောဇ၏ရင်တွင်း၌သစ္စာပန်းတို့ဖူးပွင့်သွားလေပြီ။
သောတပန်တည်သွားသောရောဇအတွက်၊မြတ်ဗုဒ္ဓသာသနာမှတပါး၊အခြားကိုးကွယ်ရာမရှိတော့။
မေတ္တာရေစင်ဖြင့်သွန်းလောင်းခံခဲ့ရသော............
သစ္စာရောင်ခြည်တို့ဖြင့်ထိတွေ့ခွင့်ရခဲ့သော................
အရိုင်းပန်း၏ပြောင်းလဲခြင်းကား.........၊ယဉ်လွန်း၊လှလွန်း၊မွှေးလွန်းပေစွတကား.....။....။

ဦးဇင်း ဦးပဏ္ဍိတ -ဂန္ထလုလင်(ဘိုကလေး)
ဒေါင်းမင်း

1 comment:

  1. မေတ္တာတရားက အစွမ်းထက်တယ်ဆိုတာ သိလိုက်ရတယ်...
    ဒီတရားကို ဟိုတစ်လောလေးကမှ နာဖူးပါတယ်...
    သဘောလည်းကျပါတယ်...
    ဒီလို ဘာသာတရားအဆုံးအမပိုစ့်လေးတွေ များများရေးပေးပါဘုရား.

    ReplyDelete

ယခုလိုခင်မင်မှုနဲ့ အမှတ်တရ ရေးပေးသွားတဲ့ အတွက်ကျေးဇူးပါဗျာ။