အခန်း(၂)သစ္စာတရားနှင့် ကြားသိတွေးမိသမျှ

အခန်း(၂)သစ္စာတရားနှင့် ကြားသိတွေးမိသမျှ
ပထမဦးစွာ သစ္စာတရားနှင့် စပ်လျဉ်းသော သာဓကများကို ဦးစွာတင်ပြလိုပါသည်။ မဟာဇနကဇာတ်တော် တွင် နောင်တော်အရိဌဇနကမင်းသည် ညီတော်ပေါလဇနကအိမ်ရှေ့ မင်းသားကို သူ၏မင်းစည်းစိမ်ကို လုယူ မည်ဟု အထင်မှားကာ ချုပ်နှောင်ထားလေသည်။ အောက်လူတို့ ၏ ဂုန်းချောစကားကို အထင်မှားပြီး ထိုကဲ့သို့  ချုပ်နှောင်ထားခြင်းဖြစ်လေသည်။ ရက်လအတန်ကြာသည်အထိ နောင်တော်က လွှတ်ပေးမည် အရိပ်အယောင်မပြလာသည့် အခါ ပေါလဇနကသည် နောက်ဆုံးအားကိုးရာအဖြစ် သစ္စာဆိုဖို့ ရန် ဆုံးဖြတ် လိုက်လေသည်။

“ငါသည် ငါ၏နောင်တော်ဘုရင် အထင်မှားနေသကဲ့သို့ နောင်တော်၏ ထီးနန်းစည်းစိမ်ကို လုယူဖို့ ရန် စိတ် နှင့်မျှ မပြစ်မှားခဲ့ပါ။ ဤသည်မှာ မှန်ပါသည်။ ဤသို့ မှန်ကန်သော သစ္စာစကားကြောင့် ငါ့အားယခုတုပ်နှောင် ထားသော အနှောင်အဖွဲ့ အားလုံးမှ ယခုချက်ချင်း လွတ်မြောက်ပါစေသတည်း”
ထိုကဲ့သို့  သစ္စာဆိုပြီးသည်နှင့် တပြိုင်နက် တုပ်နှောင်ထားသော သံခြေချင်း၊ သံကွင်းစသော အနှောင်အဖွဲ့  အားလုံးတို့ သည် “ဖွမ်း” ကနဲ့ မြည်ကာ အားလုံးပြုတ်ထွက်ကုန်လေသည်။ ထို့ နောက် အသင့်ပွင့်နေသော နှောင်အိမ်တံခါးမှ အပြင်သို့ ထွက်လိုက်သည်။ နှောင်အိမ်အပြင်ဝတွင် စောင့်နေသော အစောင့်များသည် ပေါလဇနကမင်းသာကို လုံးဝမမြင်ကြပဲ ပကတိအတိုင်းသာ ရပ်လျှက်ရှိကြလေသည်။ နောက်ဆုံးတွင်
ပေါလဇနကမင်းသားမှာ အပြင်သို့ လွယ်ကူစွာ ရောက်ရှိလာခဲ့လေသည်။

ထေရ၀ါဒဗုဒ္ဓသာသနာတော်အတွက် လွန်စွာ ကျေးဇူးများသော သီရိဓမ္မာသောကမင်းကြီးလက်ထက်တွင် သစ္စာတရားနှင့် စပ်လျဉ်းသည့်ထူးခြားသော ဖြစ်ရပ်တစ်ခုပေါ်ပေါက်ခဲ့ဘူးပါသည်။ သီရိဓမ္မာသောက မင်းကြီးတိုင်းခန်းလှည့်လည်စဉ်အတွင်း တနေရာရောက်၍ ခဏတာစခန်းချ ညအိပ်ရပ်နားစဉ် နံနက်မိုးလင်း ချိန်ရောက်သောအခါ မင်းကြီး၏ ယာယီသစ်တဲနန်း ပတ်လည်တွင် ရေအလျဉ်များ တသွင်သွင်စီးဆင်းကာ တက်လာနေသည်ကို တွေ့ ကြရလေသည်။ တစ်ခါတရံ လှိုင်းတံပိုးများပင် ထလာလျှက်ရှိပေသည်။ ရက် အတန
်ကြာသည်အထိ ရေကျနိုင်မလားဟူသော မျှော်လင့်ချက်ဖြင့် စောင့်ဆိုင်းနေကြသော်လည်း ရေကျ မည့် အရိပ်
အယောင်အနည်းငယ်မျှ မတွေ့ ရပေ။ထို့ ကြောင့်မင်းကြီးသည် ထိုအရေးကို ဖြေရှင်းနိုင်ရန်အတွက်ပညာရှိ
မူးမတ်များ၊ သေနာပတိများနှင့် တိုင် ပင်ရလေသည်။ သို့ သော် ထိုးအရေးကို ဖြေရှင်းနိုင်မည့်သူ မည်သူမျှ
ပေါ်ပေါက်မလာပေ။ ယင်းအချိန်တွင် မထင်မရှားတနေရာတွင် ရှိနေသော ပြည့်တန်ဆာမတစ်ယောက်က ဖြစ်ပေါ်လျှက်ရှိသော ရေဘေး အန္တရာယ်ကို သူမ ဖြေရှင်းနိုင်သည့်အကြောင်း မင်းကြီးထံလျှောက်တင်လိုက်
လေသည်။ ထိုအခါ မင်းကြီးက“သင်က ထိုအရေးကို ဖြေရှင်းနိုင်မည် ဆိုရအောင် စုံးကဝေမတစ်ယောက် ဖြစ်
နေလို့ လား သို့ တည်းမဟုတ် နာနာဘာဝတစ်ယောက်ဖြစ်နေလို့ လား” ဟုမေးတော်လိုက်ပါသည်။
“မဟုတ်ပါ အရှင် ကျွန်တော်မျိုးမဟာ သာမန်လူသားတစ်ယောက်ဖြစ်ပါတယ်။ သို့ သော် ယခုအရေးကိစ္စကို အမှန်တကယ် ဖြေရှင်းနိုင်မည် ဖြစ်ကြောင်းကိုတော့ အရှင်မင်းကြီးထံ လျှောက်တင်အပ်ပါတယ်။
ထို့ နောက် ပြည့်တန်ဆာမသည် ယာယီသစ်တဲနန်းမှ ဆင်းကာ ရေစပ်အထိရောက်အောင် သွားလိုက်ပြီး နှုတ်မှ တစ်စုံတရာကို ခပ်တိုးတိုးရွတ်ဆိုလျှက် ရှိပေသည်။ ခဏမျှကြာလိုက်သည် ရေအလျဉ်တို့ သည် တ ဖြည်းဖြည်း သိသာစွာ နိမ့်ဆင်းလျှောကျနေသည်ကို အားလုံးတွေ့ မြင်နေကြရလေသည်။ ပြည့်တန်ဆာမကို ကောင်းချီးပေး
ဖို့ ထက် ရင်သပ်ရှုမောကာ အထူးအဆန်း လူသားသဖွယ် အံ့သြကြည့်ရှုနေကြလေသည်။ မင်းကြီးကိုယ်တိုင်
ကပင် ပြည့်တန်ဆာမကို ရှေ့ တော်သို့ သွင်းစေကာ “သာမန်လူသားတစ်ယောက်ဖြစ်တဲ့ သင့်အနေနဲ့ တန်ခိုးရှင်တို့ သာ တတ်နိုင်သည့် ယခုလို အရေးအခင်းမျိုးကို ဘာအကြောင်းကြောင့် ဖြေရှင်း နိုင်တယ်ဆိုတာ ငါ့ကို ရှင်းလင်းစွာ လျှောက်တင်ပါ” မိန့် ဆိုလိုက်လေသည်။

“ကျွန်တော်မျိုးမဟာ ယခုအရေးအခင်းကို သစ္စာတရားကို အသုံးပြုပြီး ဖြေရှင်းနိုင်ခဲ့တာပါ အရှင်မင်းကြီး”
“အို သင့်လို သူများ လင်သား သားယောင်္ကျားများနှင့် ကာမဂုဏ်တောမှာ ပျော်မွေ့ အသက်မွေးနေသူတစ် ယောက်မှာ အဘယ်သို့ သော သစ္စာတရားများက တည်ကိန်းနိုင်မှာလဲ ငါ့ကို အမှန်တိုင်းရှင်းလင်းစွာ လျှောက်တင်ပါ”

“မှန်လှပါ အရှင်မင်းကြီး ကျွန်တော်မျိုးမဟာ သူတစ်ပါး လင်သား သားယောင်္ကျားများနဲ့ ပျော်ပါးအသက်မွေး သူ ဖြစ်ပါတယ်။ သို့ သော် ကျွန်တော်မျိုးမမှာ အကျိုးမပျက်စောင့်ထိန်းထားသော ကျင့်ဝတ် တစ်ခုရှိပါတယ်။ ယင်းမှာ ကျွန်တော်မျိုးမထံသို့ ပျော်ပါးဖို့ ရန် ရောက်လာသော မည်သည့် အမျိုးသားကို မဆို ကျွန်တော်မျိုးမ သတ်မှတ်ထားသော အဖိုးအခကို ရရှိမည်ဆိုပါက မင်းသား၊ သူဌေး၊ ဆင်းရဲသား စသည်ဖြင့် မည်သူ့ မဆို အဆင့်အတန်း ခွဲခြားမှု မရှိပဲ တန်းတူအခွင့်အရေးပေးကာ ပြုစုဆက်ဆံလေ့ရှိပါတယ်။ ကျွန်တော်မျိုးမဆိုခဲ့ သော သစ္စာမှာ ထိုကျင့်ဝတ်ကို အရင်းခံပြီးဆိုခဲ့ခြင်းဖြစ်ပါတယ် အရှင်မင်းမြတ်”
ပြည့်တန်ဆာမ၏ လျှောက်တင်မှုကို ကြာသိလိုက်ရသောအခါ အသောကမင်းတရားကြီးသည် သစ္စာ၏ အသုံးဝင်ပုံနှင့် အစွမ်းထက်မြတ်ပုံကို ကောင်းစွာနားလည်လိုက်လေသည်။

သစ္စာတရားနှင့်စပ်လျဉ်းသော အခြားသော သာဓကများစွာကို ဆက်လက်လေ့လာကြည့်လိုက်လျှင်လည်း ယနေ့ ခေတ်အချိန်တွင် စာရေး သူတို့ အတွက် အသုံးချနိုင်မှုများစွာ ရှိနေသည်ကို တွေ့ ရှိရပါသည်။ ဋညသုတ် ပရိတ်တော်တွင် ဘုရား အလောင်းတော် ငုံးမင်းလေးဆိုခဲ့သော သစ္စာမှာလွန်စာ စိတ်ဝင်စားဖွယ်ကောင်းလှ
ပါသည်။ တောမီးကြီး လောင်လာသောအခါ ငုံးမင်းလေးက “ငါ့မှာ အတောင်နှစ်ဖက်ရှိပါသည်မပြန်နိုင်ပါ။
ခြေနှစ်ချောင်းရှိပါသည် မသွားနိုင်ပါ။ မိဘတွေကလည်း ခွဲခွါ ထွက်ပြေးသွားကြပါသည်။ ငါ့မှာ သစ္စာတရား
မှလွဲ၍ အားကိုးရာမရှိပါ။ ဤသည်မှာ မှန်ပါသည်။ ဤသို့ မှန် ကန်သော သစ္စာစကားကြောင့် တောမီးသည် ငြိမ်းအေးပါစေသား”

ယင်းသို့ ဆိုလိုက်သည်နှင့် တပြိုင်နက် တောမီးသည် ရေနှင့် ဖြန်းလိုက်သကဲ့သို့ ငြိမ်းအေးမှု ရသွားပါသည်။ အထက်ပါ ငုံးမင်း သာဓကကို ကြည့်လျှင် သစ္စာတရားနှင့် ပတ်သက်၍ တစုံတရာဖြည့်ကျင့်စရာမလိုကြောင်း မှန်ကန်သော အချက်အလက်ဖြစ်ဖို့ သာ အဓိကဖြစ်ကြောင့်း တွေ့ နိုင်ပါသည်။ ယင်းသို့ မှန်ကန်သော အချက်အလက်ဖြစ်ဖို့ သာ အဓိကဖြစ်သည်ဆိုလျှင် တန်ပြန်မေးခွန်းများ မေးလာဖွယ်ရှိပါသည်။ ကျွန်ုပ်သည် လူတစ်ယောက်ကို သတ်ချင်စိတ်အားကြီး၍ အလွန်မုန်းတီးသောစိတ်ဖြင့် မသေမချင်းသတ်လိုက်ပါသည်။ ဤသည်မှာ မှန်ပါသည်။ ဤသို့ မှန်ကန်သော သစ္စာစကားကြောင့် လူသတ်မှုမှ လွတ်ရစေသားဟုဆိုလျှင် လွတ်နိုင်ပါမည်လားဟု မေးလာလျှင် မလွတ်နိုင်ပေ။ မှန်ကန်သော စကားကို ဆိုပါလျှက် မလွတ်နိုင်ခြင်းမှာ မှန်ကန်သော အကြောင်းအရာ အချက်အလက် မဟုတ်သောကြောင့်ဟု ဖြေဆိုရပါမည်။ လူသတ်လျှင် ယင်း လူသတ်မှုနှင့် လျော်ညီသော လောကအပြစ် သံသရာအပြစ်ကို ခံရမည်မှာ သစ္စာတရားဖြစ်ပါသည်။

လူသတ်ပြီးနောက် လူသတ်မှုက လွတ်အောင် သစ္စာဆိုခြင်းမှာ သစ္စာတရားကို သစ္စာဖောက်ခြင်း ဖြစ်ပါ သည်။ ယင်းသို့  မကောင်းမှု ကျုးလွန်သည့်နေရာ၌ သစ္စာဆိုလို့ မရနိုင်ဘူး ဆိုလျှင် အများကို မထိခိုက်သော ကိုယ်ရေးကိုယ်တာ ချမ်းသာရေးကိစ္စများတွင် သစ္စာဆိုလို့ ရနိုင်ပါသလား ဥပမာအားဖြင့် ဆိုလျှင်
“ကျွန်ုပ်သည် ဒေါ်လာတစ်သန်းကို လိုချင်နေသည်မှာ အမှန်ဖြစ်ပါသည်။ ဤစကြ၀ဠာသည် အဆုံးမဲ့ ကျယ် ပြောသည်မှာ မှန်ကန်ပါသည်။ ဤသို့ မှန်ကန်သော သစ္စာစကာားကြောင့် ကျွန်ုပ်လိုချင်သော ဒေါ်လာတစ် သန်းသည် လျင်မြန်စွာ ရရှိလာနိုင်ပါစေသတည်း” ဟုဆိုလိုက်လျှင် ရနိုင်ပါမလား ဟူမူ မရနိုင်ပါ။ အကုသိုလ် အလုပ်မဟုတ်ပဲ မှန်သောစကားကို ဆိုပါလျှက် အဘယ်ကြောင့် မရနိုင်သလဲ ဟူမူ သစ္စာဆိုနိုင်သော အချိန် အခါမဟုတ်သောကြောင့်ဟု ဖြေဆိုရပါမည်။

ဖော်ပြခဲ့ပြီးသော အထက်သာဓက များကို လှမ်းမျှော်ကြည့်လိုက်လျှင် သစ္စာဆိုသော အချိန်အခါသည် သစ္စာ တရားကလွဲ၍ တခြားအားကိုးရာ မရှိသည့် အချိန်အခါတွင်မှ ဆိုခဲ့ကြသည်ကို တွေ့ ရမည်ဖြစ်ပါသည်။ ယင်း သို့ သစ္စာတရားသာလျှင် နောက်ဆုံး အားကိုးရာအဖြစ် ရှိနေသည့် အချိန်တွင်မှ ဆိုလိုက်သော အမှန်တရား သစ္စာစကားများသည် အမြဲတန်း အကျိုးပေးမှန်ကန်ကြောင်း တွေ့ ရမည်ဖြစ်ပါသည်။ ထို့ ကြောင့် စာဖတ်သူ များသည် သစ္စာတရားကို မှန်ကန်အကျိုးရှိစွာ အသုံးချနိုင်မည်ဆိုလျှင် ဘ၀ထွက်ပေါက် အဖြေကောင်းစွာရရှိ ပေသည်။ သစ္စာတရားကို အသုံးချနိုင်သောကြောင့် အန္တရာယ်ဘေးမှ လွတ်မြောက်ခဲ့သော မျက်မှောက် ခေတ် သာဓကတစ်ခုကို ပြောပြလိုက်ပါသည်။

တောရွာ တစ်ရွာမှာ မိန်းကလေး တစ်ယောက်သည် ရန်ကုန်မြို့ ရှိ ဆွေမျိုးနီးစပ်ဖြစ်သော အိမ်တစ်အိမ်တွင် အိမ်ဖော်အဖြစ် လုပ်ကိုက်လျှက်ရှိပါသည်။ တစ်နေ့ တွင် ထိုအိမ်၌ ရွှေဆွဲကြိုး တစ်ကုံးပျောက်ဆုံးမှု ဖြစ်ပွားခဲ့ ပါသည်။ အိမ်ရှင်နှင့် တကွ အိမ်နီးချင်းများ မိသားစုဝင်များက အိမ်ဖော်မိန်းကလေး ခိုးယူသည်ဟု သံသယရှိ နေကြပါသည်။ ထို့ ကြောင့် အိမ်ရှင်မျိုးသမီးက ထိုအိမ်ဖော်မိန်းကလေးကို အကြိမ်ကြိမ်စစ်မေးလေသည်။ မိန်းကလေးကလည်း သူမ မခိုးကြောင်း ငြင်းဆိုပါသည်။ နောက်ဆုံး နှုတ်ဖြင့် စစ်မေး၍ မရသောအခါ ရိုက်နှက်စစ်မေးသာ ပုံစံသို့ ရောက်လာတော့သည်။ အိမ်ဖော်မိန်းကလေးကလည်း ငြင်းမြဲ ငြင်းနေပါတော့ သည်။ ရိုက်နှက်စစ်မေးလို့ မရသောအခါ တရားရုံးသို့  တိုင်ရန် အိမ်ရှင်အမျိုးသမီးကြီးက ပြောလာပါသည်။
အိမ်ဖော်မိန်းကလေးလည်း ကြံရာမရသည့် အဆုံးကြားဖူးနားဝရှိထားသော သစ္စာတရားကို အသုံးပြုရန် သတိရလာပါသည်။ ထို့ ကြောင့် ဘုရားစင်ရှေ့ သို့ သား၍ လက်အုပ်ချီ၊ ဘုရားအာရုံပြုကာ အောက်ပါ အတိုင်း သစ္စာဆိုလိုက်ပါသည်။

“ဘုရားတပည့်တော်မသည် ယခုပျောက်ဆုံးလျှက် ရှိသော ရွှေဆွဲကြိုးကို ခိုးယူခြင်းမရှိပါ။ ထိုသို့  မခိုးယူ ကြောင်း ဘုရားတပည့်တော်မ ကိုယ်တိုင်သိပါသည်။ ဤစကားမှန်ကန်ပါသည်။ ဤသို့ မှန်သော သစ္စာ စကားကြောင့် ယခုရွှေဆွဲကြိုး ပျောက်ဆုံးသော အမှုသည် အမှန်အတိုင်း ပေါ်ပေါက်ပါစေသား အရှင်ဘုရား”
ယင်းသို့  သစ္စာဆိုပြီးသည်နှင့် တပြိုင်နက် အိမ်ရှင်အမျိုးသမီးကြီး၏ သမီးသုံးယောက်အနက် သမီးအလတ် သည် ချက်ချင်း သွေးအန်လေတော့သည်။ ထို့ နောက် ပျောက်ဆုံးသော ရွှေဆွဲကြိုးကို သူမယူထားကြောင်း ၀န်ခံလေတော့သည်။ ဤသည်မှာ သစ္စာတရားကို မှန်ကန်စွာ အသုံးချနိုင်သောကြောင့် သူခိုးစွပ်စွဲခံရမည့် အန္တရာယ်မှ လွတ်မြှောက်ခဲ့သော မျက်မှောက်ခေတ် သာဓကတစ်ခုဖြစ်ပါသည်။

ဘုရားအလောင်းတော် ပါရမီဖြည့်ဆည်းခဲ့သော သုဝဏ္ဏသာမဇတ်၊ နာရဒဇာတ်၊ ရတနသုတ်လာ၊ ဘုရားရှင် လက်ထက် ဝေသာလီပြည် ကပ်ဘေးဖြစ်ရပ်ကြီးနှင့် တကွ မျက်မှောက်ခေတ် ဖြစ်ရပ်များ၏ ၀စီသစ္စာ အောင်ပွဲဖြစ်ရပ်များကို ဆန်းစစ်ကြည့်လျှင် သစ္စာဆိုဖို့ ရန်အတွက် နားလည်ထားရမည့် အချက်များမှာ
၁။ တစုံတရာ ဖြည့်ကျင့်ဖွယ်မလိုပဲ မှန်ကန်သော အကြောင်းအရာဖြစ်ဖို့ သာ လိုအပ်ခြင်း။
၂။ မကောင်းမှု အကုသိုလ်ကိစ္စရပ်များအတွက် ဆက်စပ်ပတ်သက် အသုံးချမှု မဟုတ်ရခြင်း။
၃။ သစ္စာတရားသာလျှင် နောက်ဆုံး အားကိုးရာအဖြစ် ရောက်နေသည့် အချိန်ဖြစ်ရခြင်းတို့ ဖြစ်ပါသည်။

ဦးသုခ ကိုယ်တိုင် သူ၏ ရာမာခရစ်ရှနား စာအုပ်တွင် သူ၏ ကိုယ်တွေ့ ကို ဆက်လက်ဖော်ပြထား သည်မှာ သူနှင့်အတူ အခြားနာမည်ကြီး စာရေးဆရာတစ်ယောက်တို့  ဂျပန်ခေတ် လေယာဉ်ပျံ ဗုံးလာချစဉ် ကြောက်လန့် အားကြီးစွာဖြင့် နှစ်ယောက်သား ပြေးလွှားခဲ့ရပုံ ယင်းနောက် ထိုစာရေးဆရားကြီးက ဘေး အန္တရာယ်မှ လွတ်မြောက်ရန်အတွက် သစ္စာဆိုဖို့ သတိရပုံ၊ မည့်သည့်အကြောင်းအရာကို သစ္စာဆိုရန် တော် တော်နှင့် စဉ်းစားလို့ မရပုံ၊ နောက်တွင်မှ ဘ၀တသက်တာအတွင်း လူမသတ်ခဲ့ဖူးကြောင်း သတိရကာ
“ကျွန်ုပ်သည် သိတတ်သည့် အရွယ်မှ စ၍ ဘ၀တသက်တာအတွင်း လူမသတ်ခဲ့ပါ။ ဤစကားမှန်ကန်ပါ သည်။ ဤသို့ မှန်ကန်သော သစ္စာစကားကြောင့် သူတစ်ပါးလုံ့ လ ပယောကနှင့် မသေရပါစေသား” ဟူ၍ သစ္စာဆိုခဲ့ပုံ။ ယင်းသို့ သစ္စာဆိုပြီးသည့်နောက်တွင် နှစ်ယောက်သား ရဲဝံ့စွာ သွားလာနေထိုင်ရဲပုံ တို့ ကို ဖော်ပြထားပါသည်။

ထို့ ကြောင့် ကျွန်ုပ်တို့ သည် မိမိတို့ အတွက် ဘေးအန္တရာယ် တစ်စုံတရာကျရောက်လာခဲ့သော် သစ္စာတရား သာလျှင် နောက်ဆုံး အားကိုးရာအဖြစ် ရောက်လာသည့် အချိန်တွင် မှန်ကန်သော သစ္စာစကားကို ဆိုဖို့ ရန် လိုအပ်လှပါသည်။ မိမိက သူတစ်ပါးတို့ ကို အနိုင်ကျင့် နှိပ်စပ် ဘေးဖြစ်အောင် မလုပ်မိဖို့ လိုအပ်သလို မိမိ က ရိုးသားကောင်းမွန်စွာ နေထိုင်ပါလျှက် အများတကာတို့ ၏ အနိုင်ကျင့် နှိပ်စပ်မှုများ၊ ရေဘေး၊ လေဘေး၊ မီးဘေးစသော သဘာဝ ဘေးအန္တရာယ်ဆိုးများ၊ လူမှုရေး၊ စီးပွားရေး၊ နိုင်ငံရေးစသော အခက်အခဲအကျပ် အတည်းများ ပေါ်ပေါက်လာပါက အထက်ပါတင်ပြခဲ့သော သစ္စာဆိုဖို့ ရန် အချက်အလက်များနှင့် ပြည့်စုံ ပါက ၀စီသစ္စာကို အသုံးပြုပြီး မိမိတို့ ကြုံတွေ့ လျှက်ရှိသော ဘေးဆိုး အန္တရာယ်ဆိုးနှင့် အခက်အခဲ အကျပ် အတည်းများမှ လျင်မြန်စွာ လွတ်မြောက်နိုင်ကြောင်း တင်ပြလိုက်ရပါသည်။ မသိသူကျော်သွား သိသူဖော် စားဟူသော ဆိုရိုးစကားလည်းရှိပါသည်။

ဂန္ထလုလင် (ဘိုကလေး)