ယခုလိုလာလည်တဲ့အတွက် ကျေးဇူး တင်ပါတယ်။
တမှုန့်မြေလွှာ၊ တစ်လွှာပန်းခြောက်၊တပေါက်ရေစက်၊ငါတို့လက်မှရန်သူရလျှင်၊ မြန်မာ့သမိုင်းရိုင်းတော့မည်။

Tuesday, February 10, 2009

ဆုပ်ကိုင်မိတဲ့အလင်းတန်း(၂)ဇာတ်သိမ်း

ဘ၀ရဲ့အဓိပ္ပါယ်၊ဘ၀ရဲ့အနှစ်သာရ၊ဘ၀ရဲ့တန်ဖိုးဆိုတာဘာလဲ၊ဒီမေးခွန်းဒီအတွေးတွေဟာကျုပ်ရဲ့
စိတ်အစဉ်မှာအမြဲစိုးမိုးနေတယ် တစ်စုံတစ်ယောက်ကလာမေးလို့သိချင်တာမျိုးမဟုတ်ပဲကျုပ်ရဲ့
နှလုံးသားကျုပ်ရဲ့လေး.........................................................................................
...........................................................................
ဆိုင်ဝင်တွေ့လိုက်တယ်၊တစ်သက်သာဝမ်းမြောက်ဖွယ်အမှတ်ရဖွယ်စကားတွေနဲ့နှုတ်ဆက်သွားပြီးနောက်ကျုပ် သိလိုတဲ့အကြောင်းတွေကိုဆွေးနွေးမေးမြန်းလိုက်တယ်။
.......***********************************************...........................
“အရှင်မြတ်ရဲ့ဣနြေ္ဒဟာအလွန်ကြည်လင်ပါတယ်။အရောင်အဆင်းဟာလည်းသန့်ရှင်းစင်ကြယ်ခြင်း၊ဖြူစင်
တောက်ပခြင်းရှိပါတယ်။အရှင်မြတ်ဟာဘယ်ပုဂ္ဂိုလ်ကိုရည်ညွှန်းပြီးရဟန်းပြုပါသလဲအရှင်ဘုရားဟာဘယ်သူ
ပါလဲဘယ်သူ့တရားကိုအရှင်မြတ်နှစ်သက်ပါသလဲ”ကျုပ်တို့ခေတ်မှာတရားဓမ္မကျင့်သုံးကြတဲ့ပုဂ္ဂိုလ်တွေ
တရားဓမ္မဆွေးနွေးကြတဲ့သာမဏေဗြဟ္မဏတွေကိုမေးမြန်းနေကျစကားအတိုင်းကျုပ်ကမထေရ်မြတ်ကိုမေးခွန်း တွေတရစပ်နဲ့မေးမြန်းလိုက်တယ်။

“ငါ့ရှင်ဒကာသာကီဝင်မင်းမျိုးကနေရဟန်းပြုတဲ့သာကီဝင်မင်းသားရဟန်းမင်းမြတ်ဆိုတာလောကမှာရှိနေ
တယ် ငါဟာဘုန်းတော်ကြီးမားတော်မူတဲ့အဲဒီရဟန်းမင်းမြတ်ကိုရည်ညွှန်းပြီးရဟန်းပြုခဲ့တယ်၊အဲဒီရဟန်း
မင်းမြတ်လို့ခေါ်တဲ့မြတ်ဗုဒ္ဓဟာငါ့ရဲ့ဆရာပဲ ငါဟာမြတ်ဗုဒ္ဓရဲ့တရားတော်ကိုနှစ်သက်ပါတယ်”အမေးနဲ့
လျော်ညီတဲ့လိုရင်းအဖြေကိုကြည်လင်အေးဆေးတဲ့အသံနဲ့မထေရ်အရှင်မြတ်ဖြေကြားလိုက်တယ်။

“အရှင်မြတ်ရဲ့ဆရာမြတ်ဗုဒ္ဓဟာဘယ်လိုအယူရှိပါသလဲဘယ်လိုတရားများကိုဟောကြားပါသလဲ”
“ငါ့သျှင်ဒကာငါဟာအခုမှမြတ်ဗုဒ္ဓရဲ့သာသနာတော်ကိုဝင်ရောက်စပဲရှိပါသေးတယ်။ရဟန်းပြုလို့မကြာသေး
တဲ့ရဟန်းသစ်ပဲရှိပါသေးတယ် ၊ငါဟာသင်ဒကာကိုအကျယ်အားဖြင့်တရားဟောဖို့မစွမ်းနိုင်ပါဘူးဒါပေမယ့်
အနက်သဘောသိရုံအကျဉ်းလောက်တော့ဟောနိုင်ပါတယ်။”

“အရှင်မြတ်ရယ်နည်းနည်းပဲဖြစ်ဖြစ်များများပဲဖြစ်ဖြစ်ဟောသာဟောပါအနက်အဓိပ္ပါယ်ကိုပဲကျွန်ုပ်လိုပါတယ်။
သဒ္ဒါတွေပုဒ်ဗျည်းတွေအလင်္ကာတွေတန်ဆာဆင်ပြီးဟောနေလို့ဘာအကျိုးရှိမှာလဲ။”

ကျုပ်တရားလိုလားတဲ့ဆန္ဒတွေစောနေတာကြောင့်ပြေပြစ်မှုကင်းတဲ့ကျုပ်ရဲ့စကားသံတွေကိုသတိပြုမိလိုက်
လို့မထေရ်မြတ်ကိုအားတုံ့အားနာနဲ့မော့ကြည့်လိုက်တယ်။မထေရ်အရှင်မြတ်ကတော့ဘယ်လိုမှစိတ်ငြိုငြင်
ခြင်းမရှိပဲသာယာအေးချမ်းတဲ့အသံနဲ့သူသိတဲ့တရားဓမ္မကိုမိန့်ကြားလိုက်ပါတယ်။
ယောဓမ္မာ ဟေတုပ္ပဘာဝါ တေသံဟေတုံ တထာဂတောအာဟ။
တေသဉ္စ ယောနိရောမာ ဧ၀ံဝါဒီ မဟာသမဏော။

ဆင်းရဲခြင်းအမှန်ဖြစ်တဲ့ခန္ဓာငါးပါး တေဘူမကတရားတွေဟာ တွယ်တာခြင်းသမုဒယတရားကြောင့်ဖြစ်တယ်။
အဲဒီဆင်းရဲခြင်းအမှန်တရားရယ်ဆင်းရဲခြင်းကိုဖြစ်စေတက်တဲ့သမုဒယတရားရယ်ကိုမြတ်ဗုဒ္ဓဟောတော်မူတယ်

ဆင်းရဲခြင်းတရားနဲ့ဆင်းရဲကြောင်းတရားကိုချုပ်စေတက်တဲ့ငြိမ်းအေးခြင်းတရားရယ် ၊ငြိမ်းအေးကြောင်းတရား
ရယ်ဆိုတာရှိတယ်။အဲဒီတရားနှစ်ပါးကိုလည်းမြတ်ဗုဒ္ဓဟော်တော်မူတယ်။

ငါတို့ဆရာမြတ်စွာဘုရားဟာဆင်းရဲခြင်းတရား၊ဆင်းရဲကြောင်းတရား၊ငြိမ်းအေးခြင်းတရား၊ငြိမ်းအေးကြောင်း
တရားလို့ခေါ်တဲ့ဓမ္မသဘာဝရဲ့အမှန်တရားလေးခုကိုယူခြင်းအလေ့ရှိတယ်။အဲဒီအယူအတိုင်းပဲအမြွတ်အား
ဖြင့်ဟောကြားတော်မူပါတယ်။

နှလုံးသားမှာဆူးဝင်နေတဲ့ဆူးတွေဆွဲထွင်နှုတ်ပစ်လိုက်သလိုကျုပ်ရဲ့အသိဥာဏ်ထဲနှလုံးသားထဲမှာဓမ္မရဲ့ပီတိ
ဓမ္မရဲ့အလင်းရောင်တွေဖြာဆင်းနေတော့တယ်၊တပြိုင်နက်ထဲမှာပဲဖြစ်ခြင်းသဘောရှိတဲ့တရားအလုံးစုံဟာ
ချုပ်ခြင်းသဘောရှိတယ်ဆိုတဲ့ကိလေသာအမြုအညစ်အကြေးကင်းတဲ့တရားမျက်စိသောတာပတ္တိဥာဏ်အမြင်
ဟာထင်ထင်ရှားရှားဖြစ်ပေါ်လာတော့တယ်။

ဒီတရားဟာကျုပ်ရှာဖွေနေတဲ့တရားပဲ သေခြင်းစိုးရိမ်ခြင်းကင်းတဲ့အမြိုက်နိဗ္ဗာန်တရားပဲဒီတရားကိုမသိပဲကျုပ်
တို့ဟာဘ၀ပေါင်းအသင်္ချေ၊အသင်္ချာကမ္ဘာပေါင်းကုဋေကုဋာမကကျော်လွန်ခဲ့ကြတယ်။

မိတ်ဆွေကြီးကောလိတထံကတိအတိုင်းကျုပ်သိထားတဲ့မသေရာတရားကိုပြောပြဖို့ရောက်လာခဲ့တယ်။
“ဟင်မိတ်ဆွေဥပတိဿ သင့်ရဲ့ရုပ်သွင်ဟာပြောင်းလဲလာပါလား၊ဣနြေ္ဒကလည်းတည်ငြိမ်လို့အဆင်းက
လည်းကြည်လင်လို့ဧကန္တတော့မသေရာအမြိုက်တရားကိုရခဲ့ပြီနဲ့တူတယ်”

“ဟုတ်တယ်မိတ်ဆွေကောလိတကျုပ် ကျုပ်သေခြင်းကင်းတဲ့အမြိုက်နိဗ္ဗာန်တရားကိုရခဲ့ပြီအခုမိတ်ဆွေကို
ပြောပြဖို့ကျုပ်လာခဲ့တာ”“ဒါနဲ့မိတ်ဆွေဘယ်ပုံဘယ်နည်းရခဲ့လဲဆိုတာပြောပြအုံးလေ”

ကျုပ်လည်းအဿဇိမထေရ်အရှင်မြတ်နဲ့တွေ့ဆုံခဲ့ပုံတရားနာခဲ့ပုံတွေကိုပြောပြီးကျုပ်သိထားတဲ့တရားကို
ပြန်လည်ဟောကြားလိုက်ပါတယ်။
ယောဓမ္မာ ဟေတုပ္ပဘာဝါ တေသံဟေတုံ တထာဂတောအာဟ။
တေသဉ္စ ယောနိရောမာ ဧ၀ံဝါဒီ မဟာသမဏော။


တရားတော်ကိုစူးစူးစိုက်စိုက်နာယူနေတဲ့ကောလိတရဲ့သွင်ပြင်ဟာချက်ချင်းပြောင်းလဲသွားတယ်။သူ့ရဲ့
ပါရမီ၊သူရဲ့တရားလိုလားမှု ၊သူ့ရဲ့လေးနက်စွာနာယူမှုတွေကြောင့်ကျုပ်သိမြင်ထားတဲ့ဂါထာတပုဒ်ကိုနာယူ
ခွင့်ရလိုက်တာနဲ့ကိလေသာအမြူအညစ်အကြေးကင်းတဲ့တရားမျက်စိသောတာပတ္တိဥာဏ်အမြင်ဟာထင်း
လင်း စွာဖြစ်ပေါ်သွားခဲ့ပါတယ်။

“ဥပတိဿရယ်ဒါကျုပ်တို့ရှာနေတဲ့တရားပဲပေါ့ကျုပ်တို့တွေဟာဒီတရားကိုမသိပဲကဗ္ဘာပေါင်းများစွာ၊
ဘ၀ပေါင်းများစွာကျော်လွန်ခဲ့ကြတာလေ။အခုကျုပ်တို့သိရပြီလေ ကျုပ်တို့ကသိရပြီဥပတိဿရယ်။”

သူဟာဝမ်းသာလှိုက်လှဲတဲ့အသံနဲ့ကျုပ်ကိုပြောပြနေပါတယ်။“ကဲမိတ်ဆွေကောလိတကျုပ်တို့မြတ်စွာဘုရား
ထံသွားကြရအောင် မြတ်စွာဘုရားဟာကျုပ်တို့ရဲ့ဆရာအစစ်ကျေးဇူးရှင်အစစ်ပဲ။

မြတ်ဗုဒ္ဓရဲ့ကျောင်းတော်ကိုကျုပ်တို့မရောက်မီခပ်လှမ်းလှမ်းမှာပဲမြတ်ဗုဒ္ဓကကျုပ်တို့ကိုဗျာဒိတ်စကားမိန့်ကြား
တော်မူပါတယ်။“ရဟန်းတို့ယခုလာနေတဲ့ကောလိတနဲ့ဥပတိဿအဆွေခင်ပွန်းနှစ်ယောက်ဟာငါဘုရား
ရဲ့အဂ္ဂသာဝကအစုံဖြစ်လိမ့်မယ်”

အဲဒီနောက်မှာတော့ကျုပ်တို့ဟာမြတ်စွာဘုရားထံမှာရဟန်းပြုခွင့်တောင်းပြီမြတ်ဗုဒ္ဓရဲ့ဧဟိဘိက္ခုရဟန်းများ
ဖြစ်လာခဲ့တယ်။

ကျုပ်တို့ဟာဘ၀ဒုက္ခရဲ့ချုပ်ငြိမ်းရာဘ၀ရဲ့သေခြင်းကင်းရာနိဗ္ဗာန်တရားကိုလည်းရခဲ့ကြပြီ။လင်္ကျာရံအဂ္ဂသာဝကကြီးအရှင်သာရိပုတ္တရာဖြစ်လာခဲ့တယ်။ကောလိတဆိုရင်လည်းတန်ခိုးအရာမှာအသာဆုံးဧတဒဂ်ဘွဲ့ရခဲ့ပြီး
လက်ဝဲရံအဂ္ဂသာဝကအရှင်မောဂ္ဂလာန်ရယ်လို့ဖြစ်လာခဲ့တယ်။ကျုပ်တို့အဂ္ဂသာဝကကြီးနှစ်ပါးဟာလောက
သားတို့ရဲ့အကျိုးသာသနာတော်ရဲ့အကျိုးများကိုထမ်းဆောင်ခွင့်ရခဲ့ပြီး ကျုပ်တို့သိရှိနားလည်ဆုပ်ကိုင်မိ
လိုက်တဲ့ဘ၀ရဲ့အဓိပ္ပါယ်ဟာအေးချမ်းခြင်း လေးနက်ခြင်း အတိနဲ့ပြည့်စုံနေတော့တယ်။

(၀န်ခံချက်)၀ိ-၃၊နှာ-၅၀)သာရိပုတ္တမောဂ္ဂလာန ပပ္ပဇ္ဇကတာကိုတန်ဆာဆင်ရေးဖွဲ့ခြင်းဖြစ်ပါသည်။
ဦးဇင်း ဦးပဏ္ဍိတ -ဂန္ထလုလင်(ဘိုကလေး)
ရေးသားချိန်--၁၈.၁၁.၂၀၀၁
ပြီးပါပြီ။ ။

1 comment:

  1. သေသေချာချာဖတ်သွားတယ် အကို ...။ တရားရ နေတဲ့လူ တစ်ယောက်မဟုတ် ပေမယ့် ... သိသင့်တာ တွေ ဆိုတော့ သေချာ မှတ်သား သွား ပါတယ်...။

    ReplyDelete

ယခုလိုခင်မင်မှုနဲ့ အမှတ်တရ ရေးပေးသွားတဲ့ အတွက်ကျေးဇူးပါဗျာ။