ထိုင်းနိုင်ငံရောက် အမှတ်တရ ဖြစ်ရပ်များ(၃)

၂၀၀၆ ခုနှစ် ထိုင်းနိုင်ငံ ခရီုးစဉ် ။
စာရေးသူသည် (၂၀၀၆)ခုနှစ်၊ ဒီဇင်ဘာလ တတိယပတ်တွင် ဗဟန်းမြို့နယ်၊ ငါးလိပ်ပြာကန်ကျောင်းတိုက်မှ ဆရာ တော် ဦးသူရိယ၊ စမ်းချောင်းမြို့နယ်၊ ဗားကရာတိုက်မှ ဆရာတော် ဦပညာဝံသတို့နှင့်အတူ ထိုင်းနိုင်ငံသို့ ဒုတိယအကြိမ် ခရီးကြွချီလာခြင်း ဖြစ်ပါသည်။ ညနေသုံးနာရီခန့်တွင် (Bangkok Air way)လေကြောင်း
ခရီးစဉ်ဖြင့် မြန်မာနိုင်ငံ ရန်ကုန် အပြည်ပြည်ဆိုင်ရာလေဆိပ်မှ စတင်ထွက်ခွါလာခဲ့ရာ ညနေ(၄)နာရီခန့်တွင် ထိုင်းနိုင်ငံ စုဝန်နဘုံမိ လေဆိပ်သို့ ဆိုက် ရောက်ခဲ့ပါသည်။

လေယာဉ်ဆိုက်ရောက်သည်နှင့် စာရေးသူတို့ ရဟန်းတော်များအား သီးသန့်ဘတ်စ်ကားငယ်လေးဖြင့် လာရောက် ပင့်ဆောင်ပါသည်။ အခြားခရီးသည်များကိုမူ ပုံမှန် ဘတ်စ်ကားကြီးဖြင့် ခေါ်ဆောင်ကြသည်။ စာရေးသူတို့ ကို ပင့်ဆောင် လာသော ဒကာသည် လူဝင်မှူးကြီးကြပ်ရေးဌာနတွင်လည်း တန်းမစီစေပဲ
ထိုင်းနိုင်ငံအတွင်း အ၀င်တံဆိပ်တုံးကို လျှင် မြန်စွာ ဆောင်ရွက်ပေးပါသည်။ ထို့နောက် လာကြိုသော ဒကာများ ရှိသလားဟု မေးမြန်းပါသည်။ လာကြိုသော ဒကာမရှိ ကြောင်းပြန်ပြောသောအခါ ကားငှားရမည့်နေရာသို့ ၎င်းကိုယ်တိုင် လိုက်ပို့ပါသည်။

လိုက်ပို့သောဒကာသည် အင်္ဂလိပ်စကား အနည်းငယ်ပြောတတ်သောကြောင့် လွန်စွာအဆင်ပြေလှပါသည်။ စာရေးသူ တို့ သွားရောက်ရမည့် နေရာသည် မဟာချိုင် ဖြစ်သောကြောင့် ကားခအဖြစ် ဘတ်(၆၀၀)ပေးရ
မည်ဟု ပြောပါသည်။ ခရီး စဉ်နေရာနှင့် ကျသင့်ငွေများကို စီစဉ်ထားသော ကတ်တလောက်ကို ထုတ်ပြ၍
ပြောခြင်းဖြစ်ပါသည်။ လေဆိပ်မှ ထွက်ခွါ လာပြီး မကြာမီမှာပင် ဟိုင်းဝေးလမ်းမကြီးဆီသို့ ရောက်ရှိလာပါသည်။ ယင်းဟိုင်းဝေးလမ်းမကြီးသည် လွန်စွာရှည်လျားလှ ပြီး ဂုန်းကျော်တံတား ပုံစံတည်ဆောက်ထားခြင်း
ဖြစ်ပါသည်။

၎င်းဂုန်းကျော်တံတားများသည် ထိုင်းနိုင်ငံ၏ ဖွံ့ဖြိုးတိုးတက်မှုနှင့် ဘန်ကောက်မြို့ ၏ ကျက်သရေရှိမှုကို ဖော်ပြနေသ ကဲ့သို့ ရှိနေပါသည်။ ယင်းဂုန်းကျော်တံတားအတိုင်း မောင်းနှင်လာစဉ် ဦးပညာဝံသ က
တပည့်တော်က မြန်မာပြည်မှာ ရှိ တဲ့ ဗိုလ်မြတ်ထွန်းတံတားတို့ သန်လျင်တံတားတို့ကို အတော်ရှည်လှပြီ ထင်နေတာ အခုဒီတံတားတွေ တွေ့ လိုက်တော့ မှပဲ ကိုယ့်ဆီက တံတားတွေက အတော်တိုနေသေးပါလား
ဆိုတာ သိလိုက်ရတယ်ဟု အံ့သြစွာ ပြောဆိုပါသည်။ ဟုတ် လည်း ဟုတ်ပေသည်။ စာရေးသူတို့ စီးလာသော
ကားမှာ ဟိုက်စပိ အမြန်နှုံးဖြင့် မောင်းနှင်လာသည့်တိုင် (၄၅) မိနစ်ခန့်  ကြာမှ ဟိုက်ဝေး ဂုန်းကျော်တံတား ဆုံးလေသည်။

ဟိုက်ဝေး ဂုန်းကျော်တံတားကို ဖြတ်သန်းလာစဉ် လမ်းအသုံးပြုခအဖြစ် နှစ်နေရာကို ထိုင်းဘတ်ငွေ (၆၀)ပေးရပါ သည်။ စာရေးသူတို့ စီးလာသောကားမှာ သာမန် တက္က စီ မီတာသုံးကား မဟုတ်ပဲ သီးသန့် ပရိုက်ဗိတ်
ကားဖြစ်ပါသည်။ ထို့ကြောင့်ပင် ကားခကို သာမန်ထက်ပို၍ ပေးရခြင်းဖြစ်ပါသည်။ အမှန်တကယ်တော့ ဂုဏ်
လုပ်လို၍ ယင်းကားကို ဌားခဲ့ ခြင်းမဟုတ်ပဲ တက္ကစီကားထက် ပရိုက်ဗိတ်ကားက ဈေးပိုကြီးသည်ကို မသိခြင်း၊ ကျယ်ဝန်းလှသော လေဆိပ်ကြီးအတွင်း တက္ကစီကားကို မည်သည့်နေရာ၌ ငှားရသည်ကို မသိခြင်းတို့ကြောင့် အလွယ်တကူ ရှာတွေ့သော ပရိုက်ဗိတ်ကားကိုသာ ငှားခဲ့ရခြင်း ဖြစ်ပါသည်။

ဘန်ကောက်လေဆိပ်မှ တစ်နာရီကျော်ခန့် မောင်းပြီးသောအခါ စမွတ်စခွန်ခရိုင်၊ မဟာချိုင်မြို့သို့ ရောက်ရှိ
လာပါ သည်။ ယင်းမြို့ စဖန်ထပ်ကျင်တံတားအနီး ၀ပ်ဟုန်ရပ်ကွက်ရှိ ကိုမင်းဇော်၊ မသုံးသုံး တို့အိမ်၌ ကားရပ
်စေပါသည်။၎င်း အိမ်သည် စာရေးသူ တို့နှင့် အတူပါလာသော ဆရာတော် ဦးသူရိယ၏ အမျိုးဒကာအိမ်ဖြစ်
သောကြောင့် ထိုနေရာတွင် ခေတ္တနားပြီး ညအိပ်သီတင်းသုံးဖို့နေရာကိုစဉ်စီရန် ဖြစ်ပါသည်။၎င်းရပ်ကွက်
အနီးရှိဝပ်ဟုန်ကျောင်းတိုက်တွင် စုံစမ်း ကြည့်သောအခါ ဆရာတော်ကြီးမှာ ဆေးရုံတက်နေသောကြောင့်
လက်ခံဖို့ ရန် မလွယ်ကူကြောင်း သိရပါသည်။ ထိုဝပ် ဟုန် ကျောင်းတိုက်ထဲတွင် မြန်မာ ဘုရားတစ်ဆူတည်
နေကြောင်းသိရ၍ လွန်စွာအံသြနေမိပါသည်။ ဘုရားတစ်ဆူတည် ဖို့ဆိုရန်မှာ ငွေအင်အား အလုပ်သမား
အင်အား အတော်ပြည့်စုံမှ ဖြစ်နိုင်သည့် အနေအထားကို စာရေးသူသိထားသော ကြောင့် ဆင်းရဲလှသော မြန်မာအလုပ်သမားများအနေဖြင့် မည်သို့ မည်ပုံ ဆောင်ရွက်ကြသလဲ ဆိုသည်ကိုလွန်ုစွာ စိတ် ၀င်စား
နေမိလေသည်။

စာရေးသူတို့ ရောက်ရှိချိန်သည် အနည်းငယ်စောနေသောကြောင့် နေထိုင် သီတင်းသုံးရန်အတွက် စီစဉ်
ဖို့ရန်ကိစ္စကို ဒကာများနှင့် တိုင်းပင်ရန်အတွက် စောင့်ဆိုင်းနေရပါသည်။ ညနေ(၆)နာရီခန့် ရောက်သောအခါ ဒကာ ကိုမောင်သန်း၊ ကိုဖကန်း၊ ကိုဝတုတ်၊ ကိုဝင်းရွှေ စသောဒကာများ ရောက်ရှိလာပါသည်။ယင်းဒကာ
များက၀ပ်ဟုန်မှ (၁၅)မိနစ်ခန့်ကား မောင်းရသော မူစီရပ်ကွက်ရှိ ၀ပ်ထက်ကျောင်းတိုက်ဆရာတော်ထံ လိုက်ပါ လျှောက်ထားပေးပါသည်။

ဆရာတော်က အလွယ်တကူ လက်ခံသောကြောင့် ယခင်က မြန်မာဆရာတော် ဦးသြဘာသ သီတင်းသုံး သွားသော အခန်းတွင် နေထိုင်ခွင့်ရလေသည်။ အခန်းမှာ အတန်ငယ် ကျယ်ဝန်းသောကြောင့် စာရေးသူတို့ သုံးပါးအတွက် နေထိုင်ရ သည်မှာ အဆင်ပြေမှု ရှိလှပါသည်။ ဒကာကြီး ကိုမောင်သန်းမှာ ရဟန်းဘ၀က လူထွက်လာသူဖြစ်သောကြောင့် ရဟန်း တော်များနှင့် ဆက်ဆံရေးတွင် အဆင်ပြေလှပါသည်။ ကိုဝတုတ်မှာ ကားပိုင်ရှင်ဖြစ်သောကြောင့် ၎င်း၏ ကားဖြင့် မပင် မပန်း လိုက်ပို့နိုင်သောကြောင့် စာရေးသူတို့မှာ သွားရေး
လာရေးအတွက် လွယ်ကူစွာ သွားလာနိုင်ပြီး ဒကာကိုဝတုတ်ကို လွန်စွာ ကျေးဇူးတင်နေမိလေသည်။

၎င်း ဒကာကိုဝတုတ်၏ မိခင်မှာ ထားဝယ်အမျိုးသမီးဖြစ်၍ ဖခင်မှာ ယိုးဒယားလူမျိုးဖြစ်လေသည်။ထို့ကြောင့်
၎င်းမှာ ထိုင်းလူမျိုးနိုင်ငံသားကဒ် ကိုင်ဆောင်ထား၍ ထိုင်းအစိုးရစာသင်ကျောင်းတွင် အထက်တန်းထိ ကျောင်း
နေခဲ့ဘူးကြောင်း သိရလေသည်။ ကိုဝင်းရွှေ၊ ကိုဖကန်းတို့သည်လည်း စီးပွါးရေး အတန်အသင့် ပြေလည်
သူများဖြစ်၍ စာရေးသူတို့အား လို အပ်သည် မရှိရအောင်စီစဉ်ပေးကြလေသည်။ ညပိုင်းတွင် ရင်ငြိမ်းပန်း လူမ
ှုကူညီရေးအသင်းမှ အတွင်းရေးမှူးဖြစ်သူ ဒ ကာကြီးဦးတိုးနှင့် သားဖြစ်သူ ကိုဇေယျာမင်းတို့ လာရောက် စကား
ပြောကြလေသည်။ ဒကာကြီးဦးတိုးမှာ စကားပြောလွန် စွာ ယဉ်ကျေးသိမ်မွေ့ပြီး ပရဟိတနှင့် ဘာသာရေး စိတ်ထားလွန်စွာ ထက်သန်သူဖြစ်ကြောင်း သတိထားမိလေသည်။

နောက်တစ်နေ့ မနက် မိုးလင်းသောအခါ စာရေးသူတို့ သီတင်းသုံးသော ၀က်ထက်ကျောင်းနှင့်အနီးဆုံးတွင်
် နေထိုင် သော ဒကာကြီး ကိုမောင်သန်းမှ အာရုံဆွမ်းလာ ရောက်ကပ်လှူပါသည်။ ထိုင်းနိုင်ငံတွင်ရဟန်းသံဃာ များအား ဆွမ်းကိစ္စ စီစဉ်ရေးမှာ လွယ်သင့်ပါလျှက် မလွယ်ကူသော ကိစ္စဖြစ်လေသည်။ လွယ်သင့်ပါလျှက်
ဆိုရခြင်းမှာ စားစရာ အလွန်ပေါ သော နိုင်ငံ ဖြစ်ခြင်းကို ဆိုလိုပါသည်။ မလွယ်ကူသော ဟုဆိုရခြင်း လူအား
လုံးနီးပါးသည် မိုးလင်းသည်နှင့် မိမိတို့ သက် ဆိုင်ရာ လုပ်ငန်းများဆီသို့ အသီးသီးသွားရောက်ရသောကြောင့် ဖြစ်ပါသည်။ သူတစ်ပါးနိုင်ငံတွင် ရသမျှ အချိန်ကို အ မပေးနိုင်ပဲ စီးပွါးရေးကို ရှာဖွေနေရသောကြောင့် ရဟန်း
သံဃာ များအပေါ် ကြည်ညိုစိတ် ရှိကြသော်လည်း စိတ်ရှိတိုင်း ကြည်ညိုလှူဒါန်းခွင့်မရသော အခြေအနေတွင် ရှိနေရပါသည်။ှ
....................
ဆက်ရန်..................
ဦးဇင်း ဦးပဏ္ဍိတ -ဂန္ထလုလင်(ဘိုကလေး)